Pra doŭhaterminovyja prahnozy na nastupnyja zimovyja miesiacy ŭ Biełarusi raskazała načalnica słužby hidrałohii i ahramietearałohii Biełhidramieta Kaciaryna Istomina na pres-kanfierencyi ŭ Minsku, piša «Smartpres».
«Siońnia my ź miesiačnaj svoječasovaściu možam sprahnazavać tolki anamaliju tempieratury abo anamaliju apadkaŭ: h.zn. na kolki ciaplej ci chaładniej budzie ŭ peŭnym miesiacy, na kolki vilhotnym abo suchim budzie hety miesiac, — patłumačyła Kaciaryna Istomina. — Najbolš dakładnyja prahnozy my ciapier možam rabić tolki na tydzień napierad».
Pavodle jaje słoŭ, u cełym zima 2024/2025 hoda ź vierahodnaściu bolš za 50% u Biełarusi budzie ciopłaj.
«Apadki buduć u miežach klimatyčnaj normy. Adnak z-za taho, što tempieratura budzie pavyšanaj, jość vierahodnaść, što apadkaŭ budzie bolš u źmiašanaj i vadkaj fazie (mokry śnieh, doždž). To-bok na padstavie doŭhaterminovych prahnozaŭ na praciahłaje śniehavoje pokryva pakul raźličvać nie davodzicca», — adznačyła śpiecyjalistka.
Razam z tym, hetaj zimoj abaviazkova buduć i mocnyja marazy, i vielmi ciopłaje nadvorje, dadała jana.
«Budzie i śnieh, kab pakatacca na sankach i łyžach. Dakładniej siońnia skazać prosta niemahčyma», — kanstatavała pradstaŭnica Biełhidramieta.
Ničoha kankretnaha jana pakul nie moža skazać i adnosna nadvorja na Novy hod:
«Na žal, sučasny ŭzrovień prahnazavańnia nie dazvalaje sinoptykam z naležnaj dakładnaściu za miesiac sprahnazavać nadvorje ŭ tym ci inšym punkcie ŭ kankretny dzień».
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary
Karaciej, z pramovy mietearalahini varta čakać usiaho, i nie čakać usiaho. Bo budzie ŭsio, što tolki moža być, usio, što zaŭhodna, i nia budzie ŭsiaho, što zaŭhodna. Dobry prahnoz ! :) Zaličvajecca, ja taki samy zrabiŭ... :))
Kali pachaładańnia nie čakajecca, jon śpić na padłozie, u jakimści ŭtulnym kutku, u jakim jaho nichto nia ŭbačyć, a jon bačyć usio.
Kali jdzie na ciapło, jon lezie spać na padvakońnie.
Kali čakajecca pachaładańnie - lezie da kanviektara albo na kresła, a kali čakajecca na dobry maroz, dyk lažyć na kanapie, a ŭnačy moža i pad koŭdru da mianie zaleźci j varkatać svaje biaskoncyja śpievy za žyćcio...
I zaŭvažcie, jon nikoli nie pamyliŭsia. :)))