Ci pryjdzie chałodnaja i śniežnaja zima ŭ najbližejšyja dni? Sinoptyk Dźmitryj Rabaŭ daŭ prahnoz nadvorja na tydzień z 2 pa 8 śniežnia. Pavodle jaho słoŭ, z nadychodam kalandarnaj zimy nadvorje budzie chutčej nahadvać jeŭrapiejskuju zimu. Marazy buduć zusim nievialikimi nočču, a dniom budzie niaznačna vyšej za nul.
Na nadvorje na pačatku tydnia paŭpłyvaje vobłaść vysokaha atmaśfiernaha cisku, bieź istotnych apadkaŭ. Ranicaj i nočču miescami słaby hałalod, na asobnych učastkach daroh hałalodzica, a taksama tuman. Vilhotnaść — da 70%. Viecier umierany. Unačy tempieratura pavietra ad -2°C da +3°C. U paniadziełak u dzionny čas +2°C…+5°C.
Mieteaŭmovy ŭ siaredzinie tydnia buduć vyznačać atmaśfiernyja franty z Bałtyki. Nadvorje ŭ asnoŭnym budzie vobłačnaje, projduć roznaj intensiŭnaści apadki.
Viecier paryvisty, paŭdniova-zachodni. Vilhotnaść — da 80%. Ranicaj i ŭ načny čas słaby hałalod, na darohach hałalodzica, čakajecca tuman. Nočču -2°C…+2°C. U aŭtorak i ŭ sieradu dniom — ad +1 da +4°C.
U pačatku druhoj pałovy tydnia, pavodle papiaredniaj infarmacyi, umovy nadvorja stanie farmiravać antycykłon z centram nad Centralnymi rehijonami Rasii. Budzie vobłačna z prajaśnieńniami. Surjoznych apadkaŭ nie prahnazujecca. Viecier umierany, paŭdniova-ŭschodni. Vilhotnaść — da 80%. Unačy ad -3°C da +2°C. U dzionnyja hadziny ŭ čaćvier da +3°C, u piatnicu kala nula.
Akramia taho, atmaśfierny front z paŭnočnaha zachadu Jeŭropy pryniasie niepahadź u vychadnyja dni. Budzie vobłačna. Projduć apadki ŭ bolšaści rajonaŭ. Viecier paryvisty. Unačy i ranicaj miescami prahnazujecca tuman. Unačy ad 0°C da -6°C, u siaredzinie dnia ŭ subotu i ŭ niadzielu — kala nula.
Kamientary