Ciemnaskury akcior Paapa Esijedu moža syhrać Sievierusa Snejpa ŭ novym «Hary Potery»
Telekanał HBO razhladaje kandydaturu brytanskaha akciora Paapa Esijedu na adnu z samych papularnych rolaŭ na telebačańni ŭ hetym hodzie. Akcior pretenduje na rolu prafiesara Sievierusa Snejpa (Złateus Źlej u inšym pierakładzie) u sieryjale HBO «Hary Poter», paviedamili the Hollywood Reporter šmatlikija krynicy.
Krynicy paviedamlajuć, što akcioru była prapanavanaja rola, choć niezrazumieła, ci pačalisia pieramovy surjozna.
U raniejšych filmach Snejpa hraŭ užo niabožčyk Ałan Rykman.
Pakul što aficyjna nie zaćvierdžany nivodny akcior u sieryjale pra Hary Potera, premjera jakoha zapłanavana na 2026 hod, choć akcior «Špijonskaha mosta» Mark Rajłens blizki da taho, kab atrymać hałoŭnuju rolu mudraha i mahutnaha dyrektara škoły Albusa Dambłdora.
Sieryjał dosyć papularny, kab sparadzić niekalki čutak pra akcioraŭ, choć tyja, jakija praročać Kilijana Merfi na rolu łorda Valdemorta, nie adpaviadajuć rečaisnaści.
Esijedu pačaŭ svaju karjeru ŭ Karaleŭskaj Šekśpiraŭskaj trupie, dzie syhraŭ zahałoŭnyja roli ŭ pastanoŭkach «Hamleta» i «Karala Lira». Z tych časoŭ u jaho byli roli ŭ filmach «Zabojstva va Uschodnim ekspresie» i «Mužčyny», a taksama ŭ telešou «Bandy Łondana», prajekcie «Łazar» i epizodzie «Čornaha lusterka».
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3838
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii38
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4646
Kamientary
I nadta kaverkać viadomuju historyju dziela kvoty, zdajecca miarzotnaj spravaj.