Jeŭropa vykłała płan harantyj biaśpieki dla Ukrainy z šaści punktaŭ
Jeŭrapiejskija lidary vypuścili supolnuju zajavu, u jakoj abjavili pra sumiesnuju z ZŠA padtrymku i zabieśpiačeńnie harantyj biaśpieki dla Ukrainy.
Udzielniki sustrečy ŭ Bierlinie, jakaja prajšła 14‑15 śniežnia. Źleva naprava ŭ pieršym radzie: prezident Francyi Emaniuel Makron, fiederalny kancler Hiermanii Frydrych Mierc, prezident Ukrainy Uładzimir Zialenski, śpiecpradstaŭnik Donalda Trampa Styŭ Uitkaf, ziać Donalda Trampa Džared Kušnier, premjer-ministarka Italii Džordža Miełoni; u druhim šerahu: hienieralny sakratar NATA Mark Rute, premjer-ministarka Danii Miete Frederyksen, prezidentka Jeŭrakamisii Ursuła fon der Lajen, premjer-ministr Niderłandaŭ Dzik Schof, premjer-ministr Šviecyi Ulf Krystersan. Fota: AP Photo/Markus Schreiber, Pool
Płan praduhledžvaje:
- Pastajannuju vajskovuju padtrymku Ukrainy. Kolkaść USU zachoŭvajecca na ŭzroŭni 800 tysiač čałaviek u mirny čas dla strymlivańnia mahčymaj ahresii i abarony terytoryi;
- Šmatnacyjanalnyja siły Ukrainy pad kiraŭnictvam Jeŭropy: jany farmujucca ŭ ramkach «kaalicyi achvotnych» pry padtrymcy ZŠA — dla adnaŭleńnia USU, abarony nieba i biaśpieki na mory, z mahčymymi dziejańniami ŭnutry Ukrainy
- Miechanizm kantrolu spynieńnia ahniu: manitorynh pad kiraŭnictvam ZŠA ź mižnarodnym udziełam — dla rańniaha papiaredžańnia napadaŭ, fiksacyi parušeńniaŭ i reahavańnia na ich;
- Jurydyčna abaviazkovyja harantyi biaśpieki: u vypadku napadu — abaviazak reahavać z dapamohaj vajskovych, vyviedvalnych, ekanamičnych i dypłamatyčnych mieraŭ;
- Finansavańnie rekanstrukcyi, handlovyja pahadnieńni i kampiensacyja škody z boku Rasii. Rasijskija aktyvy ŭ ES zastajucca zamarožanymi;
- Padtrymku ŭstupleńnia Ukrainy ŭ ES.
U dakumiencie padkreślivajecca, što rašeńnie terytaryjalnych pytańniaŭ pavinna zastacca za Ukrainaj.
«[Jeŭrapiejskija lidary] paćvierdzili, što mižnarodnyja miežy nie pavinny źmianiacca siłaj. Pastanovy ab terytoryi prymajucca narodam Ukrainy paśla taho, jak buduć faktyčna zabiaśpiečanyja nadziejnyja harantyi biaśpieki. Jany pahadzilisia z tym, što niekatoryja pytańni nieabchodna budzie vyrašyć na zaklučnym etapie pieramoŭ. Jany padkreślili, što padtrymajuć prezidenta Zialenskaha ŭ pytańni kansultacyj z narodam u vypadku patreby», — havorycca ŭ zajavie.
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača17
Kamientary
A chto budzie apłočvać takuju vialikuju armiju mirnaha času?
"Šmatnacyjanalnyja siły Ukrainy pad kiraŭnictvam Jeŭropy"©
Atrymlivajecca, siły Ŭkraincy buduć kiravacca Eŭropaj?
"Finansavańnie rekanstrukcyi, handlovyja pahadnieńni i kampiensacyja škody z boku Rasii. Rasijskija aktyvy ŭ ES zastajucca zamarožanymi;"©
Niaŭžo Eŭropa z Ukrainaj płanujuć padzialić pamiž saboj rasiejskija 300 jardaŭ? Na kolki ja razumieju, reparacyi płacić toj, chto prajhraŭ. Što płanuje rabić Eŭropa dla pieramohi Ŭkrainy?
Pieršyja dva punkty - harantyja biaśpieki ŭ vyhladzie ...armii samoj Ukrainy. (U druhim punkcie jašče dadali što pad
pad kiraŭnictvam Jeŭropy. I pry padtrymcy ZŠA.
U trecim punkcie harantyj ad Jeŭropy iznoŭ niešta pavinna ZŠA.
U šostym punkcie niejkija "handlovyja pahadnieńni i kampiensacyja škody z boku Rasii". Z kim handlovyja pahadnieńni?
"Rasijskija aktyvy ŭ ES zastajucca zamarožanymi" - hrošy akupanta Ukrainie Jeŭropa nie addaść.
Padtrymku ŭstupleńnia Ukrainy ŭ ES - nie kankretna "ustup u ES", a "padtrymku" niejkuju, biez dat.