U šoŭmiena Jaŭhiena Bułki naradziŭsia druhi syn. Nie abyšłosia biez pryhod
Pra naradžeńnie syna viadomy šoŭmien i televiadučy Jaŭhien Bułka paviedamiŭ u sacsietkach, raskazaŭšy taksama pra prablemy, ź jakimi toj źjaŭlaŭsia na śviet.
Naradžać žoncy Bułki daviałosia ŭ Hruzii. Padčas ciažarnaści ŭ Izraili, dzie siamja ciapier žyvie, było niespakojna, tamu chaciełasia znachodzicca da rodaŭ u bolš cichim miescy. A pakolki stałaj pracy ŭ šoŭmiena na toj čas nie było, to mieŭ značeńnie i finansavy faktar. U vyniku Bułki skarystalisia z parady siabroŭ i spynilisia na Hruzii.
Klinika Piniea ŭ Tbilisi pakinuła dobraje ŭražańnie svaim vydatnym servisam i prafiesijanalizmam lekaraŭ, tym bolš što padčas rodaŭ uźnikli ŭskładnieńni z-za peŭnych nieachajnaściaŭ, dapuščanych biełaruskimi lekarami tady, kali pry dapamozie kiesarava siačeńnia ŭ Bułak naradžaŭsia pieršy syn Lavon.
«U vyniku 3 hadziny składanaj apieracyi, 3 chirurhi, drenažy, katetary i vyrvanyja niervy. I rachunak na 3000$… raźličvali maksimum na 1500», — piša Bułka, nijakich pretenzij da miedykaŭ nie majučy, a budučy im vielmi ŭdziačnym.
Narodžanaha z takimi pryhodami syna baćki nazvali Davidam, a ŭ Hruzii siamja jašče pažyvie «niavyznačany termin».
Jaŭhien Bułka pierajechaŭ žyć u Izrail ź siamjoj u krasaviku 2022 hoda praz palityčnuju situacyju ŭ Biełarusi. Jon pradaŭ u Biełarusi dom svajoj mary i ŭładkavaŭsia ŭ Izraili apieracyjnym sanitaram u klinicy. U kastryčniku 2023-ha jamu razam z žonkaj i dvuchhadovym synam daviałosia znoŭku pierajazdžać — z-za napadu CHAMAS na Izrail.
U Izraili Bułku davodzicca šmat pracavać, u tym liku na niekvalifikavanych rabotach. Siarod inšaha jon pracavaŭ hruzčykam.
«My mocnyja, my vyvieziem». Televiadučy Jaŭhien Bułka viarnuŭsia ŭ Izrail i pajšoŭ pracavać čornarabočym
Jaŭhien Bułka ź siamjoj pierabraŭsia ź Izraila ŭ Hruziju
Jaŭhien Bułka z žonkaj zmahli viarnucca dadomu ŭ Izrail da svajho dvuchhadovaha syna
Šoŭmien Jaŭhien Bułka čakaje rejsa ŭ Izrail — tam zastaŭsia syn
«Siabroŭka z saboju ŭziała siakieru. Va ŭsim budziem raźbiracca, kali Izrail pieramoža». Biełarusy ŭ Izraili pra vajnu vačyma miascovych
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj46
Kamientary
Mienavita takija, jak hety Baranka pavinny vyznačać, kudy budzie iści kraina i drać try škury z tych, chto budzie paścisia na ichnaj padtrymcy-padatkach.