«My mocnyja, my vyvieziem». Televiadučy Jaŭhien Bułka viarnuŭsia ŭ Izrail i pajšoŭ pracavać čornarabočym
Šoŭmien Jaŭhien Bułka, jaki paśla napadu CHAMAS na Izrail razam ź siamjoj vyjazdžaŭ u Hruziju i AAE, viarnuŭsia nazad. Paśla praciahłaha maŭčańnia jon raspavioŭ u instahramie, jak u jaho spravy ciapier.
Jaŭhien havoryć, što apošnim časam amal ničoha nie pisaŭ, bo pa viartańni prychodzicca vielmi šmat pracavać.
«Pa viartańni ŭ Izrail ja prosta pracuju jak koń, tamu što treba zakryvać tut roznyja pytańni», — kaža jon i dadaje, što heta takaja praca, jakuju jaho padpisčyki nie mohuć ujavić.
Bułka kaža, što ŭ suviazi z pačatkam vajny vielizarnaja kolkaść ludziej u Izraili stracili pracu. Heta zakranuła nie tolki novych mihrantaŭ, ale i tych, chto žyŭ u krainie daŭno.
«Zakryvalisia kramy, kaviarni, haścinicy pierachodzili ŭ inšy režym pracy. Mnohim naohuł pryjšłosia pačynać z pačatku ŭ litaralnym sensie», — raspavioŭ jon.
Ciapier šoŭmien pracuje hruzčykam. Adno fota jon zrabiŭ u pracoŭnych palčatkach na fonie vialikich hor pakunkaŭ.
«Dźvie kampanii, u jakich ja pracavaŭ da fatalnaha kastryčnika, zakrylisia. Ivent nakryŭsia… viartalisia ŭ sakaviku ŭ daŭhi, u nieviadomaść. Tamu ja pajšoŭ na pracu. Apłatnuju dobra i štodnia. Čaściakom hatoŭkaj. Pobač sa mnoj razhružajuć kantejniery barbiery, mastaki, kuchary, iventary. Paŭtarusia, heta kranuła nie tolki «novieńkich« emihrantaŭ, ale i tych, chto ŭžo nie pieršy, i nie druhi, i nie treci, i nie 8-y hod u krainie. My mocnyja, my vyvieziem», — napisaŭ jon.
Jaŭhien Bułka pierajechaŭ žyć u Izrail ź siamjoj u krasaviku 2022 hoda praz palityčnuju situacyju ŭ Biełarusi. Jon pradaŭ u Biełarusi dom svajoj mary i ŭładkavaŭsia ŭ Izraili apieracyjnym sanitaram u klinicy. U kastryčniku 2023-ha jamu razam z žonkaj i dvuchhadovym synam daviałosia znoŭku pierajazdžać — z-za napadu CHAMAS na Izrail.
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary