«This f*cking AI». Pierakładčyk Łukašenki pry prezidencie AAE vykarystaŭ niedypłamatyčnaje słova
Alaksandr Łukašenka, sustreŭšysia z prezidentam AAE, paskardziŭsia jamu na «niaščasny» štučny intelekt. A pierakładčyk dla pierakładu vykarystaŭ samaje prostaje słova.
Na videa sustrečy Łukašenki z prezidentam AAE trapiŭ nievialiki ŭryvak pracy pierakładčyka z ruskaj na anhlijskuju.
Pierad aficyjnymi pieramovami Łukašenka i Muchamad ibn Zaid Al Nachajan praviali nievialikuju hutarku. Lidar AAE pradstaviŭ hościu svaich ministraŭ. A Łukašenka raskazaŭ, što ŭžo abmierkavaŭ z adnym ź ich raźvićcio štučnaha intelektu.
«My ŭžo ź im vielmi surjozna abmierkavali hety niaščasny štučny intelekt», — padzialiŭsia Łukašenka z prezidentam AAE.
Pierakładčyk vyrašyŭ dadać vastryniu ŭ jaho vykazvańnie i aryhinalna pieradaŭ słova niaščasny — z vykarystańniem viadomaha anhlijskaha maciuka.
«As we call this f*cking AI, that all of us are taking care about (toje, što my nazyvajem čortavym štučnym intelektam, ź jakim usim nam davodzicca mieć spravu — z anhł.)», — volna pieradaŭ słovy Łukašenki pierakładčyk.
Prezident AAE, pačuŭšy niecenzurnaje słova, spytaŭ, ci jość u Łukašenki niejkija skarhi. Toj adkazaŭ, što niama.
Ciapier čytajuć
Chto toj redaktar biełaruskaj Vikipiedyi, jakoha pasadzili na dva hady za «dyskredytacyju Biełarusi»11
Kamientary
I diešievle połučiłoś by - nie nado zarpłaty-kvartirki-priemii za łojalnosť vypłačivať