Džo Bajden ličyć, što moh pieramahčy Donalda Trampa, kali b nie sastupiŭ miesca Charys
82-hadovy prezident ZŠA Džo Bajden ličyć, što moh pieramahčy na vybarach Donalda Trampa, i kryŭdzicca na svaju partyju i ŚMI.
Paśla teledebataŭ z Trampam, na jakich Bajden vyhladaŭ adkryta słabym, jaho zaklikali źniać svaju kandydaturu takija hrandy Dempartyi, jak były prezident Barak Abama i kanhresmien Nensi Pełosi. Adnak i Kamała Charys, jakaja zamianiła Bajdena i vydatkavała na kampaniju 1,2 młrd dalaraŭ, nie atrymała pośpiechu, piša BILD.
Bajden pierakanany, što moh by adstajać Bieły dom dla demakrataŭ, pisała raniej Washington Post. Vidavočna, jon choča raspaŭsiudzić svaju ŭłasnuju «lehiendu pra ŭdar u śpinu» i abialić svaju palityčnuju spadčynu, — miarkuje karespandent BILD Hierbiert Baŭernebiel.
Kamanda Charys, naadvarot, u pravale abvinavačvaje Bajdena. Na ich dumku, jon pavinien byŭ značna raniej admovicca ad idei pieraabracca i tym samym dać Charys bolš času na efiektyŭnuju kampaniju.
Jak by tam ni było, Bajden pakidaje svaju pasadu niepapularnym — jaho dziejnaść uchvalaje 38% apytanych.
-
Stas Michajłaŭ, Michaił Šufucinski i Nataša Karalova praśpiavali dla kiraŭnikoŭ SND u Ermitažy
-
Miełoni vystaviła na aŭkcyjon kurjoznyja dziaržaŭnyja padarunki. Siarod łotaŭ — čaraviki sa skury pitona, iPad ad Zialenskaha i miech rysu
-
Zahinuŭ Vins Zampieła — raspracoŭščyk videahulniaŭ Call of Duty i Battlefield 6
Kamientary
Demiencyja - vielmi niebiaśpiečnaja chvaroba. Praź jaje možna navat u KDB zhubić pracu. Raspaviadzicie nam, kali łaska, jakija vybary ŭ 2019 hodzie byli falsifikavany na karyść Bajdana?
Oj čakajcie, ja ŭciamiŭ. U mietadyčcy napisana nie ŭžyvać słovy 2020 i falsifikacyja ŭ adnym skazie?