Kazachstan adpravić čornyja skryni z Azerbaijan Airlines u Braziliju
Mienavita hetaja kraina vyrablaje samaloty siamiejstva Embraer. Astana admoviłasia ad idei pieradać čornyja skryni Mižnarodnamu avijacyjnamu kamitetu SND, jakuju łabiravała Rasija.
Ministerstva transpartu Kazachstana paviedamiła, što «čornyja skryni» samalota Embraer avijakampanii Azerbaijan Airlines, jaki vykonvaŭ rejs «Baku — Hrozny» i raźbiŭsia kala Aktau, buduć adpraŭlenyja dla analizu ŭ Braziliju, dzie było vyrablena pavietranaje sudna.
«Uličvajučy rekamiendacyi IKAO i praviedzienyja kansultacyi z avijacyjnymi ŭładami Azierbajdžana i Rasii, Kamisijaj pa rasśledavańni avijacyjnaha zdareńnia, jakuju ŭznačalvaje ministr transpartu RK Marat Karabajeŭ, pryniata rašeńnie nakiravać bartavyja samapiscy («čornyja skryni») u Centr rasśledavańnia i praduchileńnia avijacyjnych zdareńniaŭ Brazilii (CENIPA), jakaja taksama źjaŭlajecca krainaj-vytvorcam pavietranaha sudna Embraer», — paviedamili ŭ Mintransie.
Udakładniajecca, što CENIPA maje «nieabchodnyja techničnyja mahčymaści, zajaśpiečana adpaviednym abstalavańniem i siertyfikavanaj łabaratoryjaj dla sčytvańnia dadzienych».
Raniej paviedamlałasia, što pres-słužba prezidenta Azierbajdžana Ilchama Alijeva paviedamiła, što samalot «padvierhsia źniešniamu fizičnamu i techničnamu ŭździejańniu».
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary