Łukašenka: Nijakich ździekaŭ, nijakich palitviaźniaŭ u nas niama
Łukašenka siońnia na naradzie z davieranymi asobami, prakamientavaŭ zakliki demakratyčnaj supolnaści hałasavać suprać usich padčas prezidenckich vybaraŭ, paviedamlaje «Puł pieršaha».
«Viadoma, našy źbiehłyja ŭžo nastroili Zachad. Vy i sami bačycie ich palityku: «Hałasujem suprać usich» (skazaŭ try słovy pa-biełarusku — NN)», — skazaŭ jon.
«Jašče hałasavańnie nie pačałosia, moža, chtości źnimiecca z hetaj dystancyi i hetak dalej, a ŭžo «suprać usich». Jašče nie pačuli, pra što hetyja kandydaty buduć kazać, nie — «suprać usich». Ale heta ich sprava, ich prava zajaŭlać. Z-za miažy lohka viakać. Treba pryjazdžać siudy i ŭdzielničać u vybarach. Jak pryjechać — na hetaje pytańnie ŭžo niekalki razoŭ adkazvali.
Nijakaha ździeku, nijakich palitviaźniaŭ u nas niama. Nie źbirajusia ja tam jak prezident cisnuć na kahości. Heta pieradvybarnaja kampanija, heta vybary — tut ludzi pavinny vyrašać usio tak, jak jany paličać patrebnym. Užo potym, jak ja kazaŭ, prabačcie, abrali — davajcie budziem pracavać», — skazaŭ Łukašenka.
Pavodle pravaabarončaj supolnaści, u Biełarusi pa stanie na 3 studzienia ŭ turmach, SIZA i kałonijach było 1265 palitviaźniaŭ.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha89
Kamientary