Na časova akupavanaj terytoryi Zaparožskaj vobłaści siłami ŭkrainskaj raźviedki byli likvidavanyja načalnik štaba rasijskaha bataljona «Štorm.Asiecija» Siarhiej Mielnikaŭ z pazyŭnym «Kama» i jahony kiroŭca. Pra heta paviedamiła Hałoŭnaje ŭpraŭleńnie raźviedki Ministerstva abarony Ukrainy.
«29 śniežnia 2024 hoda na trasie Vasiljeŭka — Tokmak vajary raźliku FPV padraździaleńnia aktyŭnych dziejańniaŭ HUR MA Ukrainy «Krakien» likvidavali načalnika štaba bataljona «Štorm.Asiecija»(šturmavoje padraździaleńnie ŭ składzie 429-ha motastrałkovaha pałka US RF) Siarhieja «Kama» Mielnikava i jahonaha kiroŭcu», — skazana ŭ paviedamleńni.
Adznačajecca, što pierad tym raźviedčyki departamienta aktyŭnych dziejańniaŭ HUR atrymali apieratyŭnuju infarmacyju, jakaja ŭtrymlivała detali maršrutu i hrafik pieramiaščeńnia Mielnikava.
Ukrainskija aeraraźviedčyki spłanavali dla rasijskaha vajskoŭca FPV-zasadu.
«Spačatku apieratary dronaŭ pa-majstersku pierapałochali kiroŭcu aŭtamabila UAZ «Patryjot», u jakim znachodziŭsia Mielnikaŭ. Napałochany rasijski šafior rezka źmianiŭ trajektoryju ruchu, mašyna vylecieła ŭ kiuviet, a dalej vajskovyja raźviedčyki ŭdaryli dronam-kamikadze ŭ łabavoje», — raskazali ŭ HUR.
Adznačajecca, što abodva rasijskija vajskoŭcy źniščanyja.
HUR paviedamiła pra padryŭ rasijskaha vajskoŭca, datyčnaha da rakietnych udaraŭ pa Ukrainie
«Ja dumaŭ, što ruskija chutka pieramohuć, ale vyjšła, jak zaŭsiody». Spoviedź idejnaha rasijskaha špijona, jaki atrymaŭ va Ukrainie pažyćciovaje
Kab viarnuć svaich sałdat z pałonu, Ukraina hatova mianiać ich navat na kałabarantaŭ i pareštki savieckaha raźviedčyka
VSU načali novoje nastuplenije v niekotorych rajonach Kurskoj obłasti
Kamientary