Dron japonskaj vytvorčaści byŭ adznačany na mižnarodnaj technałahičnaj vystaŭcy CES-2025 u Łas-Viehasie jak najlepšaja inavacyja ŭ halinie mini-bieśpiłotnikaŭ, i na toje jość niekalki pryčyn.
Novy japonski śfieryčny dron HagamoSphere staŭ zorkaj na štohadovaj mižnarodnaj technałahičnaj vystaŭcy CES u Łas-Viehasie, atrymaŭšy vyšejšuju ŭznaharodu CES Innovation Award 2025, jak samaja lepšaja inavacyja ŭ halinie raspracoŭki nievialikich bieśpiłotnikaŭ, pieradaje navukovy partał Interesting Engineering.
Sakret HagamoSphere chavajecca ŭnutry kanstrukcyi. Na kubičnaj ramie raźmieščany vosiem prapieleraŭ, kiravańniem jakich zajmajecca śpiecyjalny ałharytm. Jon pastajanna adsočvaje stanovišča drona i rehuluje pracu prapieleraŭ takim čynam, kab dron ruchaŭsia biez usialakaha nachileńnia. Heta dazvalaje jamu lohka pieramiaščacca napierad, nazad, naleva i naprava, zastajučysia ŭ roŭnym stanoviščy.
Ale na hetym raspracoŭščyki nie spynilisia. Jany stvaryli śfieryčnuju achoŭnuju abałonku asablivaj hieamietryčnaj formy, jakaja daje mahčymaść dronu taksama chutka i biasšumna ruchacca pa ziamli. Takim čynam, HagamoSphere moža vykarystoŭvacca jak u pavietry, tak i na ziamli, što značna pašyraje jaho prymianieńnie.
Zdajecca, što HagamoSphere — heta vynik pracy niejkaha viadomaha i vialikaha vytvorcy dronaŭ, ale heta nie tak. Za prajektam staić japonskaja kampanija DIC Group, jakaja zvyčajna zajmajecca raspracoŭkaj tonkich chimičnych materyjałaŭ, i firma Hishida R&D Co, jakaja adkazvaje za vyrab zvyčajnych karystalnickich koptaraŭ.
Ideja stvareńnia drona naradziłasia ŭ ramkach prahramy DIC «Direct to Society», nakiravanaj na pošuk novych mahčymaściaŭ dla biznesu i hramadstva. Ale pry hetym raspracoŭščyki nie vyklučyli patencyjnaha prymianieńnia novaha drona ŭ vojsku z-za jaho vysokaj mabilnaści i zdolnaści pracavać u składanych umovach.
Ciapier čytajuć
Na «Hrodna Azocie» skončyŭ žyćcio samahubstvam namieśnik načalnika cecha1
Na «Hrodna Azocie» skončyŭ žyćcio samahubstvam namieśnik načalnika cecha
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
1. Dzie budzie kamiera.
2. Dzie buduć bojeprypasy.
3. Kali heta ŭsio zvonku šara, ci budzie pracavać toje bałansavańnie, jak budzie pierasoŭvacca pa ziamli.