Mocnych studzieńskich marazoŭ čakać nie varta. Sinoptyk Dźmitryj Rabaŭ na ANT raspavioŭ pra nadvorje z 13 pa 19 studzienia.
Na nastupnym tydni nadvorje budzie časta mianiacca, prahnazujuć to adlihi, to zamarazki. I takaja situacyja zachavajecca da kanca studzienia. Čakajucca pierapady tempieratury, apadki ŭ roznych formach, paryvisty viecier i hałalod. Pry hetym tempieratura pavietra budzie na 1-3 hradusy vyšejšaj za klimatyčnuju normu.
U pačatku tydnia budzie vobłačna ź nievialikimi prajaśnieńniami, bieź istotnych apadkaŭ. Miescami čakajecca tuman, słaby hałalod. Vilhotnaść — da 80%. Tempieratura ŭnačy ŭ paniadziełak składzie -1 … -6 °C, pry prajaśnieńniach — da minus 10 °C, udzień budzie 0…-3 °C.
Bližej da siaredziny tydnia ŭ bolšaści rajonaŭ projduć apadki — śnieh, mokry śnieh. Nočču i ranicaj čakajecca tuman, na darohach miescami hałalodzica. Unačy ŭ aŭtorak słupki termomietraŭ pakažuć -1 … -6 °C, u sieradu — blizu 0 °C. Udzień u aŭtorak prahnazujuć ad -1 °C da +2 °C, u sieradu da +3 °C.
U druhoj pałovie mahčymyja nievialikija karotkačasovyja apadki. Unačy tempieratura pavietra składzie ad -3 °C da +2 °C, u čaćvier i piatnicu dniom čakajecca kala 0 °C.
U vychadnyja dni na nadvorji adabjecca ŭpłyŭ antycykłonu. Istotnych apadkaŭ nie čakajecca. Nočču i ranicaj miescami budzie tuman. Vilhotnaść — da 70%. Unačy tempieratura pavietra budzie vahacca ad +1 °C da -5 °C. U subotu dniom budzie da +2 °C, a ŭ niadzielu da +3 °C.
Ciapier čytajuć
Biaspałaŭ namalavaŭ ludziej sa ściahami ŭ centry Minska i adpraviŭ fota ŭ milicyju. Źjechalisia try mašyny ź mihałkami51
Kamientary