U homielskim restaranie zatrymali ŭdzielnikaŭ «Hukańnia viasny». Im dajuć sutki i bujnyja štrafy
U centry Homiela 21 sakavika siłaviki zatrymali hrupu ludziej, jakija adpačyvali ŭ restaranie. Jak stała viadoma «Homielskaj viaśnie», tam pravodzili śviata «Hukańnie viasny». U abradzie brali ŭdzieł niekalki dziasiatkaŭ čałaviek, u tym liku dzieci. Usio adbyvałasia ŭ zakrytym dvary restarana — to-bok nie na adkrytym učastku, nie na płoščy ci navat na haradskoj vulicy, padkreślivajuć pravaabaroncy.
Padrabiaznaściaŭ zdareńnia pakul niama, ale, jak vyśvietliła vydańnie «Fłahštok», havorka moža iści pra mierapryjemstva ŭ restaranie «Spadčyna» na vulicy Savieckaj, 1 (budynak «Palesdruku»), kala płoščy Lenina.
Heta novy restaran, jaki adkryli letaś. Z taho času tam prapanujuć nie tolki stravy biełaruskaj kuchni, ale i ładziać tematyčnyja lekcyi-dehustacyi. Tam ža pieryjadyčna pravodzili majstar-kłasy «Tancy la piečy», a ŭ studzieni arhanizoŭvali «Kaladki».
Takim čynam, restaran byŭ svojeasablivym nieaficyjnym centram tradycyjnaj biełaruskaj kultury. U mierapryjemstvach udzielničaŭ navat milicyjant — staršy ŭčastkovy inśpiektar Homielskaha RAUS major Viktar Šypkoŭ, sioleta ŭznaharodžany premijaj Łukašenki «Za duchoŭnaje adradžeńnie» — za «značny asabisty ŭniosak u zachavańnie narodnych tradycyj, etnahrafičnyja daśledavańni i rekanstrukcyju kaściumaŭ Homielskaha rajona».
Čamu mienavita ciapier koła prychilnikaŭ tradycyjnaj biełaruskaj kultury trapiła pad represii, pakul nieviadoma — nijakaha palityčnaha kantekstu na śviacie nie było.
Pa słovach krynicy «Homielskaj viasny», sud nad niekatorymi ŭdzielnikami adbyvaŭsia ŭčora ŭ budynku adnaho z RAUSaŭ, a sudździ pry hetym byli z sudoŭ roznych rajonaŭ. U vyniku adzin čałaviek atrymaŭ 15 sutak aryštu, a inšyja — štrafy nie mienš jak 100 bazavych vieličyniaŭ. Praŭdapadobna, što sudy praciahvajucca i siońnia.
Napiaredadni, jak paviedamlałasia, było admieniena «Hukańnie viasny» ŭ Vietcy — z-za supadzieńnia z dataj Chatynskaj trahiedyi, 22 sakavika.
Ale mierapryjemstva ŭ Homieli ładzili nie ŭ hety dzień, a 21 sakavika. Da taho ž, anałahičnaje śviata mienavita 22 sakavika prajšło ŭ Jelsku i Mazyry pad patranažam miascovaha muzieja. Abłasnoje telebačańnie navat zrabiła repartažy na hetuju temu. U toj ža dzień abrad zładzili ŭ Mazyry.
U Vietcy admianili «Hukańnie viasny» z-za hadaviny Chatynskaj trahiedyi
Jak u Viazyncy hukali viasnu FOTY
Zatrymańni ŭ tvorčaj prastory «Parason» — jak minimum troje čałaviek znachodziacca na Akreścina
Aryštavany 75‑hadovy Źmicier Sańko — vieteran-vydaviec
Vyzvalili aryštavanych pa «spravie kniharoŭ» Alesia Jaŭdachu i Vacłava Bahdanoviča
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła1
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu3939
Kamientary