Biaspałaŭ namalavaŭ ludziej sa ściahami ŭ centry Minska i adpraviŭ fota ŭ milicyju. Źjechalisia try mašyny ź mihałkami
Błohier sačyŭ za absurdnym šou praz kamieru videanazirańnia.
Błohier Siarhiej Biaspałaŭ vyrašyŭ razyhrać minskuju milicyju. Z dapamohaj štučnaha intelektu jon stvaryŭ videa — nibyta ŭ arcy doma na Staražoŭskaj stajać čatyry čałavieki ź bieł-čyrvona-biełymi ściahami. Heta videa jon adpraviŭ u čat-bot milicyi i staŭ sačyć pa ahulnadastupnaj kamiery nazirańnia — što buduć rabić siłaviki?
Na miesca «złačynstva» adrazu ž adpravilisia ažno try milicejskija mašyny ź mihałkami — i ź siłavikami z aŭtamatami. Zrazumieła, što nikoha jany nie znajšli. Tamu apieratar udakładniŭ u Biaspałava, dzie šukać demanstrantaŭ.
«Pajšli pa Staražoŭskaj u bok haścinicy «Biełaruś. Ściahi schavali. Adzin staić jašče ŭ arcy i kahości čakaje. Pafotkalisia i schavali», — padkazaŭ jon.
Milicyja pajšła šukać dalej.
Kamientary