Mihranty prydumali nou-chau dla pierachodu miažy ź Litvoj. Praŭda, jano im nie dapamahło VIDEA
25 sakavika pamiežniki nie puścili ŭ Litvu rekordnuju sioleta kolkaść mihrantaŭ — 29 čałaviek, jakija sprabavali nielehalna trapić u krainu z boku Biełarusi. Raniej maksimum u hetym hodzie składaŭ 18 čałaviek. Pry hetym dla taho, kab padmanuć pamiežnikaŭ, mihranty raspracoŭvajuć novyja sposaby, paviedamlaje litoŭskaja Słužba achovy dziaržaŭnaj miažy.
Na terytoryi Čapkielskaha zapaviednika ŭ Varenskim rajonie hrupa z 10 čałaviek zrabiła svojeasablivyja «ščyty» sa spalnych miaškoŭ i arechavych žerdak i ruchałasia, chavajučysia pad imi. Praŭda, hetyja chitryki plonu nie dali: mihrantaŭ usio adno zafiksavali kamiery nazirańnia, paśla čaho pamiežniki razam z kinołahami chutka ich zatrymali.
Adznačajecca, što heta terytoryja składanaja dla pierasiačeńnia — na joj bałoty i niestabilny hrunt, tamu tam nie rabili fizičnaj aharodžy, ale naładzili sistemu videanazirańnia. Mihranty, vidać, sprabavali heta ŭličyć i schavacca ad kamier, ale biespaśpiachova.
Zatrymanyja nazvalisia hramadzianami Pakistana, Irana i Afhanistana, pry hetym tolki čaćviora ź ich mieli pašparty. Paśla pravierki było vyrašana nie ŭpuskać ich u Litvu i viarnuć nazad u Biełaruś, papiarednie vydaŭšy humanitarnuju dapamohu.
U apošni čas, jak adznačajuć pamiežniki, bolšaść mihrantaŭ — heta maładyja i fizična mocnyja mužčyny, jakija imknucca paźbiahać kantaktaŭ z pravaachoŭnikami. Ich hałoŭnaja meta — nie Litva, a dalejšy šlach u Zachodniuju Jeŭropu, najčaściej u Hiermaniju. Časam jany pavodziać siabie ahresiŭna i kidajuć u pamiežnikaŭ kamiani abo inšyja pradmiety.
Biełaruś vykarystoŭvaje mihracyju jak srodak cisku na susiednija krainy z 2021 hoda. U adkaz Litva, Polšča i Łatvija ŭviali palityku «razvarotu» mihrantaŭ i ŭzmacnili achovu miežaŭ. Za hety čas im udałosia nie dapuścić ujezdu amal 202 tysiač čałaviek, ź ich kala 24,7 tysiačy — u Litvu.
Sioleta, adnak, patok mihrantaŭ pakul nie vielmi vialiki: u Litvu z pačatku hoda sprabavali trapić 111 čałaviek, u Łatviju — 141, u Polšču — 128. U paraŭnańni z raniejšymi hadami heta mizer.
Ciapier čytajuć
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca4
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1010
Kamientary