Ciapier viadoŭcam treveł-šou «Aroł i reška» možna stać za hrošy. Kolki treba zapłacić?
Farmat «Pa błacie» robić dastupnym toje, što raniej było pad strohaj zabaronaj. Kali vy majecie 100 tysiač jeŭra, to možacie zapisać asobny epizod, u jakim sami ci niechta z vašych blizkich stanie viadoŭcam. Praŭda, kidać manietku ŭsio adno daviadziecca.
Za hady isnavańnia ŭkrainskaha prajekta «Aroł i Reška» było źniata bolš za 600 vypuskaŭ pra 120 krain. I praktyčna kožny, chto źjaŭlaŭsia ŭ kadry, stanaviŭsia zorkaj ź miljonami prychilnikaŭ pa ŭsim śviecie.
Novy siezon vyrašyli zrabić ekśpierymientalnym.
Pra jaho sutnaść raskazała hienieralnaja pradziusarka Nateła Krapivina.
Pa słovach Krapivinaj, za 15 hadoŭ isnavańnia prahramy joj nie adzin raz prapanoŭvali hrošy za miesca viadoŭcy. Ale jana admaŭlała, bo heta było suprać pravił prajekta. Ale ciapier kamanda vyrašyła ich źmianić. Toje, što raniej było niemahčyma, stała mahčymym.
Ciapier miesca viadoŭcy moža kupić luby achvotny. Košt — 100 tysiač jeŭra. Čałaviek moža prapanavać i kahości sa svaich blizkich zamiest siabie.
Praviły prajekta pry hetym zastajucca tymi ž. Los vyrašyć manietka: albo niečuvanaja raskoša ź bieźlimitnaj kartkaj, albo 100 dalaraŭ u kišeni i pryhody, jakija nie kupiš za hrošy.
Pa zaviaršeńni šaścidzionnaj ekśpiedycyi ŭdzielnik sam vyznačaje los epizodu. Jon moža stać padarunkam na viasielle ci jubilej i pieratvarycca ŭ siamiejnuju relikviju, ci być apublikavanym na płatformach prajekta i zrabić jaho hieroja znakamitym.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1414
Kamientary