Francyja praviała patajemnyja vučeńni pa ŭvodzie vojskaŭ va Ukrainu dla adbićcia ahresii ź Biełarusi
Francyja tajemna adpracavała scenar razhortvańnia vojskaŭ va Ukrainie dla adbićcia rasijskaha praryvu z terytoryi Biełarusi, paviedamlaje Intelligence Online.
Vučeńni pad kodavaj nazvaj «Piarsiej» prajšli vosieńniu, praciahnuŭšysia 10 dzion. U ich uziali ŭdzieł padraździaleńni śpiecyjalnych apieracyj suchaputnych vojskaŭ (CAST).
3200 francuzskich vajskoŭcaŭ treniravalisia na terytoryi, jakaja nahadvała łukavinu Dniapra na poŭnač ad Kijeva. Ich taktyka hruntavałasia na vopycie Uzbrojenych sił Ukrainy, jakim udałosia strymać rasijski nastup u lutym 2022 hoda.
Kamandavańnie zasiarodziłasia na adpracoŭcy prymianieńnia bieśpiłotnikaŭ, radyjoelektronnaj baraćbie i vyviedcy, a taksama na zabieśpiačeńni zładžvańnia padraździaleńniaŭ va ŭmovach bajoŭ vysokaj intensiŭnaści. Pry hetym niekatoryja ŭdzielniki vučeńniaŭ zastalisia niezadavolenyja adsutnaściu FPV-dronaŭ i vykazvali zaniepakojenaść adstavańniem francuzskich vytvorcaŭ u raspracoŭcy takich madelaŭ, piša vydańnie.
13 studzienia prezident Ukrainy Uładzimir Zialenski paviedamiŭ, što abmierkavaŭ z prezidentam Francyi Emanuelem Makronam ideju raźmiaščeńnia zachodnich vajskoŭcaŭ u krainie jak častku harantyj biaśpieki.
«My razhledzieli praktyčnyja kroki pa jaje realizacyi, mahčymaje pašyreńnie i ŭciahvańnie inšych krain u hety praces», — udakładniŭ jon.
Za niekalki dzion da hetaha Zialenski zajaviŭ, što taki krok stanie «adnym z najlepšych instrumientaŭ» prymusu Rasiei da miru.
U Jeŭrasajuzie abmiarkoŭvajuć adpraŭku va Ukrainu da 100 tysiač vajskoŭcaŭ
Tramp vystupaje za raźmiaščeńnie jeŭrapiejskich vojskaŭ va Ukrainie dla kantrolu nad budučym pieramirjem
Maryn Lo Pen: Kali my sfarmujem urad, francuzskich vajskoŭcaŭ va Ukrainie nie budzie
Makron znoŭ zahavaryŭ pra adpraŭku vojskaŭ va Ukrainu
Ci ŭviadzie NATA va Ukrainu svaje vojski? Mierkavańni zachodnich ekśpiertaŭ
Kamientary