U Jeŭrasajuzie abmiarkoŭvajuć adpraŭku va Ukrainu da 100 tysiač vajskoŭcaŭ
Jeŭrapiejskija krainy viaduć detalovyja pieramovy z nahody adpraŭki vajskovaha kantynhientu va Ukrainu ŭ vypadku spynieńnia abo zamarozki vajny z Rasijaj, paviedamlajuć krynicy Reuters.
Pa słovach surazmoŭcaŭ ahienctva, minimalnaja kolkaść takoj misii aceńvajecca ŭ 40 tysiač sałdat. Adnak jość mierkavańnie, što dla abarony Ukrainy ad paŭtareńnia rasijskaj ahresii spatrebiacca i 100 tysiač vajskoŭcaŭ, zajaviŭ pradstaŭnik jeŭrapiejskich słužbaŭ biaśpieki.
Asnovu kantynhientu mohuć skłaści vajskoŭcy ź piaci-vaśmi krain, siarod jakich Hiermanija, Vialikabrytanija, Francyja, Italija i Polšča.
Jahonaja kančatkovaja kolkaść budzie zaležać ad farmatu, jaki ciapier abmiarkoŭvajecca. Tak, Italija vystupaje za miratvorčuju misiju, tady jak u Francyi i Ukrainie robiać akcent na strymlivańni Rasii.
Krainy taksama viaduć dyskusiju pra toje, pad čyjoj ehidaj budzie razhornuty kantynhient.
Ministr abarony Italii Hvida Krazieta zajaviŭ, što miratvorcy pavinny dziejničać pad ehidaj Arhanizacyi Abjadnanych Nacyj. Ale inšyja čynoŭniki kažuć, što heta daść Rasii zanadta vialiki ŭpłyŭ, pakolki jana źjaŭlajecca pastajannym členam Rady biaśpieki AAN.
Na dumku analitykaŭ, jeŭrapiejcam taksama pryjdziecca pierakanać ZŠA ŭziać udzieł u misii, choć by ŭ vyhladzie raźviedvalnaj i inšaj apieratyŭnaj dapamohi. Pry hetym padčas niadaŭnich pieramoŭ z prezidentami Francyi i Ukrainy Emanuelem Makronam i Uładzimiram Zialenskim abrany prezident ZŠA Donald Tramp vyklučyŭ vykarystańnie amierykanskich vojskaŭ dla kantrolu spynieńnia ahniu.
Krynicy taksama źviartajuć uvahu na toje, što adpraŭka kantynhientu va Ukrainu pavysić ryzyku pramoha kanfliktu z Rasijaj i pavialičyć nahruzku na ŭzbrojenyja siły jeŭrapiejskich krain, jakija pryvykli spadziavacca na padtrymku ZŠA.
Z punktu hledžańnia supracoŭnika Mižnarodnaha instytuta stratehičnych daśledavańniaŭ Franca-Štefana Hadzi, vydzialeńnie 100 tysiač miratvorcaŭ vymusić dziaržavy ES raściahnuć svaje suchaputnyja vojski i skaracić udzieł u inšych misijach, naprykład, na Bałkanach. Zastajucca niezrazumiełymi i mnohija inšyja pytańni, u tym liku patencyjnyja ŭmovy prymianieńnia zbroi.
«Što adbudziecca, kali ŭ jeŭrapiejskaha sałdata strelać?» — zadajecca pytańniem apytany Reuters francuzski vajskovy čynoŭnik.
«U nas niama sił viarnuć ich». Zialenski — pra Krym i Danbas
Zialenski vyklučyŭ zamarozku vajny dla pieramovaŭ z Rasijaj paśla prychodu Trampa da ŭłady
Prezident Słavakii Pielehryni: Ukrainie pryjdziecca stracić niekatoryja terytoryi dziela miru
Tramp vystupaje za raźmiaščeńnie jeŭrapiejskich vojskaŭ va Ukrainie dla kantrolu nad budučym pieramirjem
Tramp: Adziny sposab spynić vajnu — nie pakidać Ukrainu
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»9
Kamientary