Styvien Kinh zaklikaŭ admianić «Oskar» praz pažary ŭ Łos-Andželesie
Viadomy amierykanski piśmieńnik Styvien Kinh ličyć, što cyrymoniju ŭručeńnia premii «Oskar» u 2025 hodzie sioleta varta admianić u suviazi z katastrafičnymi nastupstvami pažaraŭ u Łos-Andželesie. Piśmieńnik zajaviŭ, što nie budzie ŭdzielničać u hałasavańni ŭ znak vykazvańnia svajoj pazicyi.
«Nie hałasuju sioleta na «Oskary». Na maju ścipłuju dumku, jaho varta admianić. Niama miesca blasku, kali Łos-Andželes haryć», — napisaŭ Kinh u sacsietcy Bluesky.
Mierkavańni pradstaŭnikoŭ kinaindustryi i karystalnikaŭ sacsietak z hetaj nahody padzialilisia. Niekatoryja paličyli, što cyrymoniju ŭručeńnia «Oskara», naadvarot, nieabchodna pravieści, kab padtrymać industryju i rehijon u cełym. Mierapryjemstva dazvolić sabrać srodki, jakija pojduć na adnaŭleńnie Łos-Andželesa i dapamohu ŭsim paciarpiełym.
Arhumienty na karyść praviadzieńnia «Oskara» takija: admiena cyrymonii ŭznaharodžańnia naŭrad ci kamuści dapamoža. Zatoje vykarystańnie maštabnaj i hłabalnaj płatformy «Oskara» dla zboru srodkaŭ na dapamohu paciarpiełym ad pažaraŭ moža jakraz prynieści karyść. Tamu lubyja zakliki da admieny cyrymonii bolš padobnyja na emacyjnaje žadańnie spynić niešta śviatočnaje, čym na sapraŭdy karysny krok.
Zrešty, Amierykanskaja akademija kiniematahrafičnych mastactvaŭ i navuk pakul i nie źbirajecca admianiać cyrymoniju, paviedamili krynicy vydańnia The Hollywood Reporter. Uručeńnie «Oskara» pa-raniejšamu zapłanavana na 2 sakavika 2025 hoda.
Lasnyja pažary ŭ pradmieściach Łos-Andželesa praciahvajucca ŭžo dziasiaty dzień, i ad ich paciarpieli ŭ tym liku i mnohija halivudskija zorki, nieruchomaść jakich zhareła. Ciapier, praŭda, pažarniki z palohkaj adznačajuć, što im udałosia spravicca ź niadaŭnimi ŭmovami pavyšanaj niebiaśpieki — mocnymi pustynnymi viatrami i nizkaj vilhotnaściu — biez značnaha rostu dvuch bujnych pažaraŭ. Ale viarnucca dadomu dziasiatki tysiač evakujavanych zmohuć nie raniej čym praz tydzień.
Pryvatnaja kampanija AccuWeather aceńvaje ŭžo paniesienyja straty ŭ bolš čym 250 miljardaŭ dalaraŭ, što robić ciapierašnija pažary ŭ Łos-Andželesie samym darahim pryrodnym biedstvam u historyi ZŠA.
Ciapier čytajuć
Vyhnaŭ žonku zimoj na vulicu, zabraŭ małuju dačku: detali razvodu kasmanaŭta Aleha Navickaha, jaki, zdajecca, ciapier ažaniŭsia z Vasileŭskaj28
Vyhnaŭ žonku zimoj na vulicu, zabraŭ małuju dačku: detali razvodu kasmanaŭta Aleha Navickaha, jaki, zdajecca, ciapier ažaniŭsia z Vasileŭskaj
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary