Unačy 28 studzienia žychary Mazyrskaha rajona čuli vybuch. Adbyłosia heta pryblizna ŭ 00:55, paviedamlaje pra zdareńnie manitorynhavaja hrupa «Biełaruski Hajun».
Pavodle papiaredniaj infarmacyi «Hajuna», dron-kamikadze byŭ źbity siłami SPA nad Mazyrskim rajonam.
Spačatku «Hajun» napisaŭ, što šachied padlataje da Mazyra. «Avijacyja VPS RB dahetul nie padniataja ŭ nieba.
Pa dadzienych @operinform, jon mienš čym u 6 km ad Mazyra», — napisaŭ kanał.
Prykładna ŭ 00:55 u rajonie byŭ čutny vybuch, a praz 3 chviliny kanał «Rinda monitoriť» paviedamiŭ, što hety šachied bolš nie fiksujecca.
«Jeŭraradyjo» ŭnačy patelefanavała ŭ apieratyŭna-dziažurnuju słužbu Mazyrskaha RAUS.
«Usio dobra. Usio pad kantrolem. Nie pieražyvajcie», — adkazała supracoŭnica. Ale pra toje, što za vybuch čuli ludzi, havaryć nie stała. «Ja vam ničoha tłumačyć nie budu», — skazaŭ inšy milicyjant.
Rasijskija šachiedy pačali zalatać u Biełaruś u lipieni 2024 hoda. U kancy žniŭnia ŭ Jelskim rajonie na Homielščynie byŭ źbity pieršy rasijski ŭdarny bieśpiłotnik. U noč z 7 na 8 studzienia 2025-ha huki vybuchu byli čutny pad Homielem.
U Mazyry znachodzicca bujny naftapierapracoŭčy zavod.
Ciapier čytajuć
Siarhiej Cichanoŭski pierabraŭsia žyć u Łos-Andželes67
Kamientary