Ejsmant: Nijakich vybačeńniaŭ Łukašenka Zialenskamu nie prynosiŭ, bo prasić prabačeńnia nam niama za što
Pres-sakratarka Alaksandra Łukašenki Natalla Ejsmant prakamientavała RBK zajavu Uładzimira Zialenskaha pra toje, što Łukašenka prasiŭ prabačeńnia pierad im padčas telefonnaj razmovy, jakaja adbyłasia ŭ pieršyja dni vajny.
«Pieršaje. Razmova pamiž prezidentami Biełarusi i Ukrainy ŭ pieršyja dni kanfliktu adbyłasia vyklučna dziakujučy emacyjnaj reakcyi małodšaha syna biełaruskaha prezidenta Mikałaja, u jakoha ŭ telefonie byŭ asabisty kantakt Zialenskaha. U čym była sutnaść toj razmovy: naš prezident u pieršuju čarhu kazaŭ pra toje, što kanflikt razhareŭsia na terytoryi Ukrainy, na terytoryi Zialenskaha, i mienavita jamu pa skančeńni času pryjdziecca bolš, čym kamu-niebudź adkazvać za hibiel ludziej! Mienavita tamu naš prezident zaklikaŭ sieści za stoł pieramovaŭ, što i było zroblena: try raŭndy pieramovaŭ u Biełarusi i zatym Stambuł», — skazała Ejsmant.
Jana abvierhła, što Łukašenka prasiŭ prabačeńnia ŭ Zialenskaha.
«Nijakich vybačeńniaŭ prezident Biełarusi Zialenskamu nie prynosiŭ, z toj prostaj pryčyny, što prasić prabačeńnia nam niama za što», — skazała jana.
Kamientara Ejsmant nakont taho, što Łukašenka prapanavaŭ Zialenskamu ŭ adkaz na pačatak vajny bambić Mazyrski NPZ, nie było.
Prezident Ukrainy Uładzimir Zialenski raskazaŭ u intervju amierykanskamu padkastaru Leksu Frydmanu, što Alaksandr Łukašenka prasiŭ u jaho prabačeńnia ŭ pieršyja dni napadu Rasii na Ukrainu.
«U pieršyja dni vajny Łukašenka prasiŭ prabačeńnia i kazaŭ, što nie vinavaty ŭ tym, što z terytoryi jahonaj krainy zapuskajuć rakiety», — raspavioŭ Zialenski.
Prezident Ukrainy taksama skazaŭ, što Łukašenka nibyta prapanoŭvaŭ jamu adkazać udaram pa mazyrskim NPZ.
«Ja jamu [Łukašenku] skazaŭ, što jon taki ž zabojca, a jon mnie skazaŭ: «Zrazumiej, nielha vajavać z ruskimi». Kažu jamu: «Jak ty dapuściŭ?» Jon kaža: «Nu dobra, stukni pa NPZ, ty ž viedaješ, jak jon šmat dla mianie značyć». Ja jamu kažu: «Što ty havoryš?» — raspavioŭ Zialenski.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary