Prezident ZŠA źbirajecca pahavaryć z prezidentam Rasii na nastupnym tydni. Pra heta amierykanski prezident paviedamiŭ padčas sustrečy z premjer-ministram Japonii Siheru Isiba ŭ Biełym domie, piša Rasijskaja słužba Radyjo Svaboda.
«Na nastupnym tydni ja, vierahodna, sustrenusia z prezidentam Zialenskim i, vierahodna, pahavaru z prezidentam Pucinym», — skazaŭ Tramp. Jon dadaŭ, što choča, kab vajna va Ukrainie skončyłasia, bo «na poli boju hinie vielmi šmat ludziej».
Taksama Tramp u čarhovy raz paŭtaryŭ, što hetaja «niedarečnaja vajna» nie pačałasia, kali b jon byŭ prezidentam ZŠA ŭ toj čas.
Niekalki dzion tamu pres-sakratar prezidenta Rasiei Dźmitryj Piaskoŭ paćvierdziŭ, što kantakty pa linii asobnych viedamstvaŭ pamiž Rasiejaj i ZŠA «apošnim časam intensifikavalisia». Detali pieramovaŭ jon udakładniać admoviŭsia.
Prezident Ukrainy Uładzimir Zialenski taksama kazaŭ pra sustrečy z pradstaŭnikami ZŠA, jakija rychtujucca.
Kamientary
Lijanel Mieśsi moža pierajści ŭ Mienskaje "Dynama". Moža? Moža. A moža i nie pierajści.
Ale ŭsio bolš razmaŭlaje sam z saboju: pra Hrenłanłyju, pra PAR, pra AAN....
Adziny płan, jaki Tramp paśladoŭna vykonvaje - pryznačeńnie šerych i małaadukavanych piersanažaŭ na samyja važnyja pasady dziaržavy.
Meta vidavočnaja : kab samoha nie pasadzili ŭ turmu za toje, što narabiŭ.
Taki płan, i takaja meta nie praduhledžvajuć asensavanaj palityki na mižnarodnaj arenie.