Na rejsavym aŭtobusie z Polščy ŭ Biełaruś sprabavali pravieźci 15 pitonaŭ
Heta ŭžo druhaja sproba zavieści žyvioł u krainu, piša pres-słužba mytni.
15 pitonaŭ schavali pad ladoŭniaj u rejsavym aŭtobusie z Polščy. Jany byli ŭ płastykavych kantejnierach.
Kiroŭca aŭtobusa «Varšava-Minsk», jaki apynuŭsia palakam, skazaŭ mytnikam, što viazie tolki asabistyja rečy. Miesca sa schavanymi pitonami znajšli praz skan transpartu.
Kab dastać pitonaŭ z tajnika, mytniki raskrucili kanstrukcyju, na jakoj była ŭstalavana ladoŭnia.
Žyvioł pieradali ŭ zaapark, a hramadzianina Polščy abvinavačvajuć u pieravozcy tavaraŭ, jakija treba dekłaravać, biez dekłaracyi (častka 2 art 15.1 KaAP).
U 2024 adbyłasia pieršaja sproba zavieźci pitonaŭ z Polščy ŭ Biełaruś: tady ŭ tym ža aŭtobusie «Varšava-Minsk» mytniki znajšli 19 sietačnych pitonaŭ. Ich zaŭvažyli ŭ tajniku pad leśvicaj i tak ža pieradali ŭ zaapark.
Kamientary