Alaksandr Łukašenka pryniaŭ zaprašeńnie naviedać ź vizitam Mjanmu. Pra heta jon zajaviŭ pa vynikach pieramoŭ z premjer-ministram, staršyniom Dziaržaŭnaha administracyjnaha savieta Respubliki Sajuz Mjanma Min Aun Chłajnam, piša «Sputnik».
«Ja chacieŭ by padziakavać za hruntoŭnuju i pradmietnuju razmovu padčas vizitu ŭ Biełaruś (…) Dziakuju za zaprašeńnie naviedać vašu cudoŭnuju krainu, dumaju, što ŭ najbližejšy čas my z vami sustreniemsia ŭ vas», — skazaŭ Łukašenka.
Jon taksama paviedamiŭ, što ŭ bližejšy čas biełaruskija śpiecyjalisty, ministry, členy ŭrada naviedajuć Mjanmu, a śpiecyjalisty z hetaj krainy pryjeduć u Biełaruś, kab hłybiej i ŭsiebakova vyvučyć mahčymaści i pašyryć supracoŭnictva.
Jon padkreśliŭ, što krainam nie varta ŭpuskać čas i varta raźvivać supracoŭnictva, u tym liku na fonie sankcyj.
«Buduć i sankcyi, jakija jość i ŭ vas, i ŭ nas. Ale sankcyi — heta čas mahčymaściej, tamu my damovilisia skarystacca hetymi mahčymaściami i pahłybić našy adnosiny. I my heta zrabili», — zajaviŭ Łukašenka.
Jon taksama paabiacaŭ Min Aun Chłajnu, što biełaruskija naziralniki pryjeduć na vybary ŭ Mjanmie, jakija zapłanavany na kaniec 2025 — pačatak 2026 hoda.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary