Pamior biełaruski mastak-kieramist Alaksandr Zimienka, paviedamili jahonyja znajomyja ŭ sacsietkach. Jamu było 78 hadoŭ.
Alaksandr Zimienka naradziŭsia 16 kastryčnika 1946 hoda ŭ Minsku. U 1970 hodzie skončyŭ Biełaruski teatralna-mastacki instytut.
Byŭ adnym sa stvaralnikaŭ i hałoŭnym mastakom (z 1995) vydaviectva «Panhraf».
Siarod tvoraŭ mastaka ŭ kieramicy: kampazicyi «Złyja karali» (1975), «Hartajučy staronki knih Jakuba Kołasa» (1982), «Pieśnia travy» (1996), reljefy «Napałm» (1976), «Biełaruskija spartyŭnyja hulni» (1979), trypcich «Śviet Mikoły Husoŭskaha» (1980).
Alaksandr Zimienka siarod inšaha aformiŭ interjery budynka CK KPB (1976 hod, ciapier rezidencyja Łukašenki; parkiety, lustry, dekaratyŭnyja aharodžy), restarana «Biełaruś» u Breście (1979; manumientalnaja razmaloŭka «Palavańnie ŭ Biełaviežskaj puščy»).
Taksama jon stvaraŭ dyzajn kaštoŭnych papier, maniet, marak, pamiatnych miedaloŭ. Pracavaŭ i ŭ žyvapisie («Partret Kazimira Maleviča», «Haradski ramans», abiedźvie 1992).
Kamientary