Hibrydnyja ataki i kantrabanda: Litva ŭzmacniaje ŭvahu da miažy ź Biełaruśsiu
U suviazi z raniejšym napłyvam mieteazondaŭ z kantrabandaj ź Biełarusi i zatrymanymi litoŭskimi hruzavikami, Kamisija pa nacyjanalnaj biaśpiecy ŭ sieradu praviadzie pasiadžeńnie dla abmierkavańnia situacyi ź biaśpiekaj na miažy, piša Delfi.lt.
«Budzie abmiarkoŭvacca situacyja ź biaśpiekaj na miažy ź Biełaruśsiu — pahrozy, źviazanyja ź mieteazondami, situacyja z hruzavikami, jakija zastalisia ŭ Biełarusi, i ahulny kantekst situacyi. Budzie praviedziena acenka taho, što ŭžo zroblena, jakija dziejańni prymajucca ŭ ciapierašni čas i jakija dadatkovyja miery mohuć spatrebicca», — u aŭtorak prakamientavaŭ daradca premjera Ihnas Dabravolskas.
«Taksama budzie razhledžana situacyja napiaredadni śviat, a taksama mahčymyja miery na hety pieryjad», — dadaŭ jon.
Jak paviedamlałasia raniej, śpiecyjalny pasłańnik ZŠA Džon Koŭł, jaki sustrakaŭsia z Alaksandram Łukašenkam u piatnicu-subotu, zajaviŭ zamiežnym ŚMI, što A. Łukašenka paabiacaŭ spynić paloty šaroŭ z kantrabandaj u Litvu, jakija kraina rasceńvaje jak hibrydnuju ataku.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary