Łukašenka adpraviŭ u adstaŭku Paŭła Kałaŭra, jaki kiravaŭ Nacbankam 10 hadoŭ
Pry im zapavoliłasia inflacyja, skončylisia skoki z čornym kursam dalara.
Łukašenka adpraviŭ u adstaŭku Paŭła Kałaŭra, jaki kiravaŭ Nacbankam 10 hadoŭ.
U 2017 hodzie «Naša Niva» nazyvała Kałaŭra čałaviekam hoda — za stabilizacyju rubla i viartańnie davieru da nacyjanalnaj valuty.
***
Pavieł Kałaŭr naradziŭsia ŭ 1962 u vioscy Biełavuša na Stolinščynie. Skončyŭ Pinski ŭlikova-kredytny technikum (1980), Biełaruski dziaržaŭny instytut narodnaj haspadarki imia Kujbyšava (1985). Kandydat ekanamičnych navuk (2001).
Pracavaŭ u Staŭbcoŭskim, Biarezinskim, Vałožynskim adździaleńniach Dziaržbanka SSSR (1985—1987), uznačalvaŭ Vałožynskaje adździaleńnie Ahraprambanka SSSR (paśla — «Biełahraprambanka») (1988—1993).
Pracavaŭ u sistemie Nacbanka (1993—2010), spačatku namieśnikam staršyni praŭleńnia, z 1999 — pieršym namieśnikam.
Staršynia praŭleńnia banka «BiełVEB» (2010—2014). Staršynia praŭleńnia Nacbanka (2014—2025).
Žanaty, maje dvuch synoŭ — Alaksieja i Uładzimira. Žonka i syny taksama pracavali ŭ bankaŭskaj śfiery.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary