Dziaržaŭnaja biełaruskamoŭnaja hazieta «Kultura» pačała dublavać naviny ŭ telehramie pa-rusku
Telehram dziaržaŭnaj biełaruskamoŭnaj haziety «Kultura» ź niadaŭniaha času staŭ dvuchmoŭnym. Ciapier pasty ŭ im dublujucca na ruskuju, čaho raniej nikoli nie nazirałasia. Hety źmieny ŭ palitycy vydańnia źviazvajuć z prychodam na pasadu dyrektara ŭstanovy «Kultura i mastactva» novaha kiraŭnika — Natalli Kuźniacovaj, zaŭvažyŭ Reform.by.
Natalla Kuźniacova — u minułym vykonvała abaviazki načalnicy adździeła ideałahičnaj raboty, kultury i pa spravach moładzi Barysaŭskaha rajvykankama. Jana zamianiła na pasadzie mieniedžara Viktara Duleviča, jaki, u svaju čarhu, byŭ pryznačany dyrektaram redakcyjna-vydavieckaj ustanovy tolki ŭ 2020 hodzie.
Dulevič za čas svajho kiravańnia zapomniŭsia istotnym «skaračeńniem» štatu časopisa «Mastactva» — supracoŭnikam nie praciahnuli kantrakty; «dastałasia» i «Kultury». Ale ŭ niadaŭnim intervju haziecie «LiM» eks-dyrektar ustanovy padymaŭ pytańnie pra ŭzbujnieńnie vydańnia — u pryvatnaści, pavieličeńnie kolkaści pałos u haziecie «Kultura» z 16 da 28. Mieniedžar dzialiŭsia płanami, adnak užo ŭ nastupnym miesiacy jamu nie praciahnuli kantrakta.
Z čym źviazanyja źmieny? Adkaz možna znajści ŭ svojeasablivym nakazie novamu kiraŭniku ad ministra kultury Anatola Markieviča, jaki toj ahučyŭ padčas znajomstva Natalli Kuźniacovaj z kalektyvam RVU «Kultura i mastactva».
«Hałoŭnaja zadača dyrektara i kalektyvu — «nie tolki ŭ abjektyŭnym i prafiesijnym aśviatleńni pracesaŭ u kulturnaj śfiery krainy, papularyzacyi tvorčych dasiahnieńniaŭ našych vydatnych dziejačaŭ kultury i mastactva, ale i ŭ sistemnaj rabocie pa farmavańni hramadskaj dumki ab roli dziaržavy ŭ zachavańni našaj historyka-kulturnaj spadčyny i padtrymcy śfiery kultury, u farmavańni śvietapohladu padrastajučaha pakaleńnia», — skazaŭ Markievič.
Heta «rekamiendacyja» pa «farmavańni hramadskaj dumki ab roli dziaržavy ŭ padtrymcy kultury» na dadzieny momant spracavała niečakana. U vydańnia pačaŭ źmianiacca moŭny kurs. Pakul u telehramie, ale, mahčyma, heta pieršy «zvonočiek»?
-
Biełarusy Varšavy zapisali pravasłaŭnuju liturhiju na rodnaj movie
-
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca
-
Biełaruska vypuściła knihu, jakaja znajomić z historyjaj mastactva praz katoŭ
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy80
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
Kamientary
🔔 Vacietaja kumpaška raniej drukavała adnajmiennuju hazetu navat na taraškievicy❗ A nia tak daŭno ichni hety sajt pačaŭ dublavacca na «akupantaŭcy». Dyk a čamu ŭ vas u vuššu ad takoha nie źvinić❓