Kiraŭnika likvidavanaj partyi «Zialonyja» Dźmitryja Kučuka dadali ŭ «śpis terarystaŭ»
KDB abnaviŭ śpis «asob, jakija majuć dačynieńnie da terarystyčnaj dziejnaści». U im źjaviłasia imia kiraŭnika likvidavanaj partyi «Zialonyja» Dźmitryja Kučuka.
Dźmitryj Kučuk — były staršynia partyi «Zialonyja» (partyju likvidavali ŭ lipieni 2023 hoda). Jon uznačalvaŭ adkrytaje akcyjaniernaje tavarystva «MS Zachodniaja» — heta pradpryjemstva, jakoje źbiraje i pierapracoŭvaje adkidy. Maje darosłuju dačku.
Dźmitryja zatrymali 16 lutaha kala rasijskaj ambasady. Kučuk pryjšoŭ, kab uskłaści kvietki ŭ pamiać pra pamierłaha palityka Alaksieja Navalnaha. Praź miesiac stała viadoma, što suprać Dźmitryja zaviali kryminalnuju spravu.
Razhladać spravu pačali 22 listapada ŭ Minskim haradskim sudzie. Jaho abvinavačvali pa dvuch artykułach — «zakliki da sankcyj» (č. 3 art. 361 KK) i «ŭdzieł u dziejańniach, jakija hruba parušajuć hramadski paradak» (č. 1 art. 342 KK).
U śniežni staŭ viadomy prysud palityku — 6 hadoŭ kałonii.
Kamientary