Na pamiatnaj banknocie da hadaviny Pieramohi źmiaścili nieisnujučuju biełaruskuju słavutaść

Nacbank źbirajecca vypuścić pamiatnuju kupiuru niezvyčajnaha naminału 80 rubloŭ, jakaja budzie nasić nazvu «80 hod Pieramohi savieckaha naroda ŭ Vialikaj Ajčynnaj vajnie». Ale da jaje afarmleńnia jość pytańni. 

Na aviersie źmieščany vyjavy manumienta Bresckaj krepaści «Mužnaść» i skulptury «Radzima-maci». Taksama na fonie abodvuch bakoŭ kupiury možna pabačyć siłuety inšych znakavych dla Biełarusi architekturnych zbudavańniaŭ. U pres-relizie zhadvajucca tolki «Varoty Minska», ale nie ciažka paznać staličnyja Čyrvony kaścioł, carkvu Śviatoha Ducha, vystavačny paviljon «MinskEkspa», «Minsk-Arenu», Nacyjanalnuju biblijateku i manumient Pieramohi.

Tolki adna vyjava na kupiury nie adpaviadaje nivodnamu viadomamu pomniku architektury na terytoryi Biełarusi — padvojenyja vietraki, raźmieščanyja nad manumientam «Mužnaść».

Adzin ź vietrakoŭ, jaki maje dvuchschilny dach, možna było b pryniać za volnuju mastackuju stylizacyju vietrakoŭ-kazłovak, raspaŭsiudžanych na Biełarusi, bo, kali nie ličyć voknaŭ i pamieru machaŭ, jany prykładna tak i vyhladajuć.

Ale druhi viatrak, vuzki i ź niezvyčajnym zaviaršeńniem, nie padobny ni da adnaho viadomaha vietraka ŭ Biełarusi, a ŭ jaho formie adčuvajecca niešta zamiežnaje.

Pavialičyć

Nam udałosia adšukać, adkul dyzajniery novaj kupiury ŭziali hetyja vyjavy. Padborka z 10 słavutaściaŭ Biełarusi ŭ viektarnym farmacie była vykładziena mastakom pad nikam creativebringer na stokavym sajcie Freepik.com.

Častka kantentu na sajcie dastupnaja biaspłatna, ale z umovaj paznačeńnia aŭtarstva, a inšaja — pa płatnaj padpiscy, jakaja dazvalaje vykarystoŭvać ich bieź nieabchodnaści zhadvać krynicu. Padborka słavutaściaŭ Biełarusi paznačana jak premijalny kantent, za jaki treba płacić. 

Pavialičyć

Pavialičyć

U padborcy taksama prysutničajuć hetyja vietraki, ale adlustravanyja ŭ inšy bok. Nijakaha tłumačeńnia taho, što heta za abjekt, na sajcie niama. Jany vyhladajuć jak młyny ŭ jakich-niebudź Niderłandach («hałandskija młyny» raspaŭsiudžany na Biełarusi, ale havorka idzie pra kanstrukcyju ź nieruchomym korpusam, a nie pra źniešni vyhlad),

ale i tam adšukać choć jakija blizkija anałahi nie ŭdałosia. Mahčyma, hetyja vietraki — prosta fantazija mastaka, jakaja nie vyklikała nijakich pytańniaŭ u aŭtaraŭ dyzajnu biełaruskich banknot.

Vietraki ŭvohule ŭlubionyja abjekty hetaha aŭtara, jany taksama trapili ŭ jahonyja padborki dla Niderłandaŭ, Francyi, Danii, Finlandyi, Estonii i Polščy. Dakładniej, u polskuju padborku trapiŭ nie viatrak, a navihacyjny znak na kancy chvalareza ŭ Śvinaujści, jaki zrobleny ŭ vyhladzie vietraka.

Pavialičyć

Pavialičyć

Roznyja vizualnyja kazusy i defiekty druku vielmi ceniacca kalekcyjanierami-banistami. Abmiežavany tyraž novaj kupiury i vykarystańnie ŭ jaje afarmleńni malunkaŭ sa stokaŭ ź nieviadomym abjektam, zdajecca, robić jaje cikavaj dla amataraŭ hrašovych dzivaŭ.

• 2
• 0
• 16
• 17
• 2
• 0
• 1
• 0