Tramp: Rasija pavodziła siabie całkam narmalna ŭ dačynieńni da Ukrainy
19 kastryčnika prezident ZŠA Donald Tramp parazmaŭlaŭ z žurnalistami kala Biełaha doma i zrabiŭ niekalki zajaŭ adnosna vajny va Ukrainie.
Donald Tramp zajaviŭ, što ZŠA viaduć pieramovy z Uładzimiram Pucinym nakont Ukrainy, tamu jon nie choča zryvać ich u razhar pracesu.
U jaho zapytalisia, ci zapłanavanaja sustreča ź lidaram KNR Si Dzińpinam.
«Nie, ale ja pravioŭ by takuju sustreču. Nie tak dziela Ukrainy. Tamu što Rasija, adkryta kažučy, pavodziła siabie całkam narmalna ŭ pytańni Ukrainy. Jany nie tak šmat robiać. Toje ž samaje z Kitajem. My b praviali sustreču, kab abmierkavać jadziernuju zbroju i denuklearyzacyju», — skazaŭ jon.
Tramp raskrytykavaŭ prezidenta Ukrainy Uładzimira Zialenskaha, zajaviŭšy, što toj nie vielmi dapamahaje zaviaršyć vajnu i, jak ličyć amierykanski lidar, nie choča jaje spyniać. Tramp dadaŭ, što pryjšoŭ čas, kab ad imia Ukrainy na pieramovach vystupaŭ niechta inšy.
Pavodle jaho słoŭ, za čas vajny terytaryjalnaja situacyja amal nie źmianiłasia, ale Ukraina paniesła vielizarnyja ludskija straty.
«Amal ničoha nie źmianiłasia terytaryjalna, ale miljon čałaviek, vielizarnaja kolkaść ludziej zahinuła. Jany stračvajuć svajo mužčynskaje nasielnictva», — zajaviŭ Tramp.
Amierykanski prezident taksama skazaŭ, što Zialenski «nie viedaje, pra što havoryć». Tak jon adreahavaŭ na słovy ŭkrainskaha lidara pra toje, što Tramp «znachodzicca nie na tym baku historyi».
Akramia taho, u Trampa spytali, chto rasparadziŭsia abmiežavać pracu Starlink va Ukrainie.
«Ja nie viedaju, chto heta byŭ, ale chacieŭ by vyśvietlić», — adkazaŭ prezident ZŠA.
Pa słovach amierykanskaha prezidenta, Rasija, na acenku Vašynhtona, nie akazvaje aktyŭnaj dapamohi Iranu.
«Pucin pakinuŭ Iran u spakoi. Heta dobra, bo my vielmi mocna bjom pa Iranie», — skazaŭ Tramp.
Pucin choča novaj «Jałty» — padziełu śvietu na śfiery ŭpłyvu miž Maskvoj, Vašynhtonam i Piekinam. Nad hałovami Jeŭropy i Ukrainy
Pucin prapanavaŭ pravieści samit z Trampam i Si dla abmierkavańnia vajny va Ukrainie
Tramp: Zialenski zusim nie imkniecca da zaviaršeńnia hetaj vajny
Zialenski: Vyhladaje tak, niby ZŠA prymušajuć Ukrainu da kapitulacyi
«Dziakuj za ŭsio, Lindsi!» Zialenski ŭspomniŭ dobrym słovam pamierłaha amierykanskaha sienatara
Ciapier čytajuć
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje10
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary