U Minsku 60‑hadovy žanaty zvarščyk zaniaŭsia seksam z 40‑hadovaj vypadkovaj žančynaj na vačach u ludziej
Para paznajomiłasia na vulicy, kali žančyna paprasiła zakuryć. Ciapier jany pad vartaju čakajuć sudu.
Usio adbyłosia ŭ červieni 2026 hoda. Pad poŭdzień mužčyna išoŭ u hości da siabroŭ. Na vulicy da jaho padyšła nieznajomaja žančyna i paprasiła zakuryć. Jany razhavarylisia i vyrašyli prahulacca.
Na łaŭcy ŭ parku «Civali» para vypiła ałkaholu, a potym spuściłasia da vadajoma, dzie zaniałasia seksam.
Heta ŭbačyli minaki i vyklikali milicyju. Supracoŭniki pierapynili paru, zatrymali abaich i advieźli ŭ Frunzienskaje RUUS.
Jak raskazali ŭ prakuratury, 60‑hadovy mužčyna žanaty i pracuje zvarščykam. 40‑hadovaja žančyna pryjechała ŭ Minsk z rajcentra, aficyjna nie pracuje i žyvie ŭ znajomych.
Śledstva kvalifikavała ich dziejańni jak hrubaje parušeńnie hramadskaha paradku, jakoje vyznačałasia «vyklučnym cynizmam» i było ŭčynienaje hrupaj asob (złosnaje chulihanstva), paviedamlajuć «Minsk-Naviny».
Pavodle prakuratury, abvinavačanyja całkam pryznali vinu, ale skarystalisia pravam nie davać pakazańniaŭ.
Pad vartu ich uziali paźniej: jany nie źjaŭlalisia na vykliki, tamu byli abvieščanyja ŭ vyšuk. Paśla paŭtornaha zatrymańnia abaich źmiaścili pad vartu.
Kamientary
hieomietriju učiť
s raznoćvietnymi hłazami
poprosiła zakuriť