Jon admianiŭ płany na piatnicu.
Karol Vialikabrytanii Karł III pieranios mierapryjemstvy sa svaim udziełam, zapłanavanyja na piatnicu, paśla pieraniesienych pabočnych efiektaŭ lačeńnia ad raku, piša Bi-bi-si.
Jak paviedamiŭ Bukinhiemski pałac, karol, jakomu 76 hadoŭ, na karotki čas znachodziŭsia pad nazirańniem u balnicy z-za časovych pabočnych efiektaŭ svajho praciahłaha ankałahičnaha lačeńnia. Zaraz jon znachodzicca ŭ svajoj rezidencyi Kłarens-chaus u Łondanie, pracuje z dakumientami i viadzie telefonnyja razmovy sa svajho kabinieta.
Na piatnicu ŭ Karła była zapłanavanaja davoli nasyčanaja prahrama, jakaja ŭklučała čatyry publičnyja mierapryjemstvy ŭ Birminhiemie i naviedvańnie Birminhiemskaj karaleŭskaj baletnaj trupy. Taksama płanavalisia try sustrečy z zamiežnymi pasłami, paviedamiŭ pradstaŭnik pałaca.
«Jon vielmi spadziajecca, što hetyja mierapryjemstvy možna budzie pieranieści na inšy čas u budučyni», — dadaŭ pres-sakratar, adznačyŭšy, što karol hłyboka vybačajecca pierad usimi, chto zajmaŭsia arhanizacyjaj pajezdki ŭ Birminhiem.
Krynica ŭ pałacy adznačyła, što toje, što adbyłosia, — heta «nievialikaja zaminka na šlachu, jaki viadzie ŭ całkam pravilnym napramku».
Pra ankałahičny dyjahnaz karala Bukinhiemski pałac upieršyniu paviedamiŭ u lutym 2024 hoda. U pieršyja miesiacy paśla hetaha Karł ustrymlivaŭsia ad udziełu ŭ publičnych mierapryjemstvach, ale zatym u asnoŭnym viarnuŭsia da zvykłaha hrafiku.
Bukinhiemski pałac nikoli nie raskryvaŭ, jaki typ rakavaj puchliny byŭ vyjaŭleny ŭ manarcha. Padrabiaznaściaŭ pra pabočnyja efiekty lačeńnia taksama nie paviedamlajecca.
Na hetym tydni karol i karaleva Kamiła abviaścili pra pieranos dziaržaŭnaha vizitu ŭ Vatykan u suviazi z chvarobaj papy Franciška. Adnak vizit u Italiju, zapłanavany na krasavik, pakul pavinien adbycca z peŭnymi źmienami ŭ prahramie.
-
Samalot Flydubai uratavali piłot-indyjec i try pasažyry, adzin ź jakich stamatołah. Druhoha piłota źviazali pravadami ad słuchavak i małankami
-
U Paŭdniovaj Karei 600 tysiač čałaviek pryjšli pahladzieć na akułu, jakaja zachrasła ŭ kanale
-
U amierykanskim Tenesi ŭpieršyniu za 200 hadoŭ źbiralisia pakarać śmierciu žančynu. Ale vykanańnie prypynili za hadzinu da pryznačanaha času
Kamientary