Usie mabilnyja apieratary zapuścili bazavy taryf. U kaho samy tanny?
Biełaruskija apieratary mabilnaj suviazi abviaścili pra zapusk bazavych sacyjalnych taryfaŭ. Jany praduhledžvajuć peŭny fiksavany abjom pasłuh i nievysokuju canu.
Uvieści takija taryfy apierataraŭ abaviazaŭ ukaz № 335 «Ab akazańni pasłuh sotavaj ruchomaj elektrasuviazi». Bazavy nabor pasłuh va ŭsich apierataraŭ adnolkavy. Klijentam pradastaŭlajecca 2 Hb internetu biez abmiežavańnia chutkaści, 200 chvilin zvankoŭ va ŭsie sietki krainy i 50 SMS u miesiac. Novyja taryfy pačnuć dziejničać z 1 krasavika. Office Life pahladzieŭ, u kaho samy tanny.
Samy tanny taki taryf u apieratara life:). Jon tak i nazyvajecca: «Bazavy» i kaštuje 7,9 rubla ŭ miesiac. U kampanii kažuć, što internet-trafiku chopić dla pierapisak u miesiendžarach, vykarystańnia kart, pravierki pošty i pieryjadyčnaj adpraŭki fota i hałasavych paviedamleńniaŭ.
U A1 hety taryf nazyvajecca «Sacyjalny ekanom». Jaho košt — 9,4 rubla ŭ miesiac. Pry hetym u kampanii paviedamlajuć, što dla niekatorych katehoryj nasielnictva (piensijanieraŭ, invalidaŭ i šerahu inšych) taki taryf možna budzie padklučyć za 6 rubloŭ u miesiac.
Kampanija MTS nazvała svoj bazavy taryf «Supier Łajt». Jon, jak i ŭ asnoŭnaha kankurenta, kaštuje 9,4 rubla ŭ miesiac. A dla piensijanieraŭ i ludziej z abmiežavanymi mahčymaściami kampanija prapanuje taryf «Kłapatlivy» ź bieźlimitnymi zvankami ŭnutry sietki za 5,9 rubla ŭ miesiac.
Ciapier čytajuć
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary
Tołku z hetaha "dziašeŭle", kali nie pracuje.