Brescki akumulatarny zavod «Ajpaŭer» płanuje pajści ŭ časovy prastoj da 12 maja i skaracić kolkaść štatnych supracoŭnikaŭ, daviedałasia «Jeŭraradyjo». Z čym źviazanaja nieabchodnaść prastoju i kolki supracoŭnikaŭ skarociać, u kampanii nie patłumačyli.
Žurnalist «Jeŭraradyjo» daviedaŭsia pra namiery pradpryjemstva, patelefanavaŭšy ŭ jahony adździeł kadraŭ pad vyhladam biełarusa, jaki šukaje pracu. Nahodaj dla zvanka stała pravierka čutak, što zavod moža nieŭzabavie zakrycca.
Brescki akumulatarny zavod byŭ stvorany ŭ 2016 hodzie, a poŭnaściu pabudavany ŭ 2020-m. Jon vypuskaje akumulatary i sistemy nazapašvańnia enierhii. Spačatku zavod naležaŭ biznesmienu Viktaru Lemiašeŭskamu, ale prajekt vyklikaŭ šyrokija pratesty z-za ekałahičnaj niebiaśpieki.
Paśla taho jak Lemiašeŭski staŭ fihurantam kryminalnaj spravy, zavod pierajšoŭ novym ułaśnikam — Siarhieju Kahanoviču i Dźmitryju Baskavu. Pradpryjemstva pierajmienavali ŭ «Akumulatarny aljans», i jano adnaviła pracu ŭ 2021 hodzie. Paźniej da ŭłaśnikaŭ dałučylisia Lemiašeŭski i Papok praz rasijskuju kampaniju, a taksama Brescki abłvykankam.
Kampanija taksama pašyryła dziejnaść u Rasii i ciapier uvachodzić u vialikuju hrupu 1AK-GROUP, jakaja zajmajecca taksama technikaj i łahistykaj.
Facebook-hrupu suprać akumulatarnaha zavoda ŭ Breście ŭnieśli ŭ śpis ekstremisckich materyjałaŭ
Akumulatarny zavod pad Brestam pryznali biaśpiečnym
Stała viadoma, kali mohuć zapuścić akumulatarny zavod pad Brestam
Budaŭnictva akumulatarnaha zavoda pad Brestam praciahniecca. Rašeńnie ab prypynieńni admieniena
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła24
Kamientary
Na fiłamientnych łampočkach, kotoryje ranieje sobirał zavod pod briendom Horizont, v strukturu chołdinha kotoroho vchodił, tiepieŕ v kačiestvie izhotovitiela ukazyvajut proizvodstviennoje UP «Zavod elektroniki i bytovoj tiechniki Horizont», h.Minsk.