Facebook-hrupu suprać akumulatarnaha zavoda ŭ Breście ŭnieśli ŭ śpis ekstremisckich materyjałaŭ
Ministerstva infarmacyi abnaviła respublikanski śpis ekstremisckich materyjałaŭ. U jaho ŭniesiena hrupa ŭ Facebook «Brest suprać budaŭnictva zavoda śvincovych AKB».
Rašeńnie ab pryznańni infarmacyjnaj pradukcyi hrupy ekstremisckaj pryniaŭ Leninski sud Bresta 27 kastryčnika.
Takim čynam praciahvajecca cisk na praciŭnikaŭ akumulatarnaha zavoda ŭ Breście.
U červieni 2020 hoda Alaksandr Łukašenka paabiacaŭ abviaścić u Breście refierendum nakont losu akumulatarnaha zavoda.
« Chaj vyrašać žychary. Pa akumulatarnym jak vyrašycie, tak i budzie. Ja vam heta harantuju i abiacaju. Ja zajmu niejtralnuju pazicyju, arhanizuju refierendum», — skazaŭ Łukašenka na sustrečy ź miascovymi aktyvistami.
«Heta niepasrednyja paŭnamoctvy prezidenta — arhanizavać refierendum u lubym punkcie krainy», — zapeŭnivaŭ Łukašenka.
Refierendum tak i nie adbyŭsia. Aktyvisty ekałahičnaha ruchu zaznali pieraśled.
«Samy vialiki ekałahičny prychilnik u vas — heta ja». Łukašenka paabiacaŭ pravieści ŭ Breście refierendum
Ciapier čytajuć
U kadr znoŭ trapiła, jakim pamieram šryfta dla Łukašenki drukujuć vystupy, kab jon bačyŭ13
Kamientary