Pucin padziakavaŭ Łukašenku za zatrymańnie paŭtony vybuchoŭki na miažy
7 krasavika Pucin pazvaniŭ Łukašenku, kab padziakavać jamu za zatrymańnie na biełaruskaj miažy bujnoj partyi vybuchovych rečyvaŭ ahulnaj vahoj u 580 kiłahramaŭ, paviedamili ŭ pres-słužbie Łukašenki.
«Uładzimir Pucin patelefanavaŭ Alaksandru Łukašenku i padziakavaŭ za zatrymańnie najbujniejšaj partyi asabliva niebiaśpiečnaha hruzu — vybuchoŭki», — havorycca ŭ paviedamleńni.
Dalej hetaja vybuchoŭka mierkavana vytvorčaści ZŠA nibyta pavinna była trapić u Rasiju.
Pucin u razmovie z Alaksandram Łukašenkam paprasiŭ pieradać padziaku i nakolki mahčyma zaachvocić śpiecyjalistaŭ i ekśpiertaŭ, jakija vyjavili i identyfikavali niebiaśpiečny hruz.
Jak raskazali raniej ŭ siužecie BT, bus Mercedes na małdaŭskich numarach pryjechaŭ u Biełaruś z boku Polščy 2 krasavika. Jaho pierahaniali ź Litvy ŭ Rasiju. U Biełaruś na im sprabavali ŭvieźci najbujniejšuju ŭ historyi krainy partyju vybuchoŭki — 580 kiłahramaŭ. Kiroŭcu zatrymali na miažy z Polščaj.
Zatrymany kiroŭca — 41-hadovy Jaŭhien Mańko. Jon kaža, što jaho vykarystali ŭciomnuju. Na mužčynu zaviali kryminalnuju spravu pa č. 2 art. 333-1 Kryminalnaha kodeksa. Pa im pahražaje pazbaŭleńnie voli da 10 hadoŭ.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak6
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary
Dziakuj Darja ❤️