USU nanieśli ŭdar pa Centru kaśmičnaj suviazi rasijskaj armii pad Maskvoj
U Padmaskoŭi byŭ paškodžany centr spadarožnikavaj suviazi 14‑ha Hałoŭnaha centra suviazi Hienštaba Uzbrojenych sił Rasii, raźmieščany ŭ rajonie pasiołka Biełaomut na poŭdzień ad Maskvy. Upraŭleńnie stratehičnych kamunikacyj (StratKam) Hienštaba USU paviedamlaje, što ŭdar pa im byŭ naniesieny 26 červienia.
«Heta najbolš madernizavany i mahutny vuzieł suviazi ŭzbrojenych sił dziaržavy-ahresara ŭ centralnym rehijonie RF.
Siły abarony Ukrainy parazili asnoŭny techničny budynak, vialikija anteny i viežu z parabaličnymi antenami (častka ź jakich źniščanaja)», — paviedamiŭ StratKam.
Na apublikavanych u siecivie kadrach bačnaje paškodžańnie jak minimum adnoj spadarožnikavaj anteny na dachu budynka. Praŭda, što ŭ kompleksie znachodziacca i inšyja anteny i abstalavańnie, tamu adzinkavaje paškodžańnie nie abaviazkova aznačaje vyvad sa stroju ŭsiaho abjekta.
Ekśpierty, jakija analizavali videa, adznačajuć, što pa najaŭnych materyjałach składana vyznačyć maštab škody: niezrazumieła, ci zakranuty tolki vonkavyja elemienty, ci taksama ŭnutranyja vuzły suviazi.
Hety abjekt uvachodzić u sistemu vajskovaj spadarožnikavaj suviazi, jakaja zabiaśpiečvaje suviaź dla najvyšejšaha ŭzroŭniu vajskovaha kiravańnia. Jana vykarystoŭvajecca dla pieradačy zašyfravanaj kamunikacyi, u tym liku pamiž kiraŭnictvam Ministerstva abarony, Hienštabam i inšymi centralnymi orhanami.
Hety ŭdar — častka kampanii pa abmiežavańni kaśmičnaj suviazi, jakuju pačała Ukraina ŭ apošnija tydni. 22 červienia byŭ atakavany centr kaśmičnaj suviazi «Dubna» pad Maskvoj, 24 červienia — «Uładzimir» u Husi-Chrustalnym. 30 lipienia Uładzimir Zialenski paviedamiŭ pra novuju ataku na «Dubna»: u joj, pavodle danych Supernova+, zahinuŭ adzin vajskoviec i byli paškodžanyja łakacyjnyja anteny dy častka abstalavańnia.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im11
Kamientary
Słava Ukrainie