Zasnavalnika najbujniejšaha ŭkrainskaha vytvorcy dronaŭ, kampanii Fire Point, spytali pra ŭzrovień biełaruskaj SPA. Jaho adkaz ździviŭ
«Ja dumaju, što biełarusy nie idyjoty, kab užo ŭ pieršyja hadziny vajny zastacca ni z čym», — adkazaŭ Dzianis Štylerman.
Rytoryka ŭkrainskaha boku ŭ adras Biełarusi ŭ apošni čas mocna źmianiłasia. Pradstaŭniki Ukrainy ŭžo nieadnarazova zajaŭlali, što ŭ vypadku niepaźbiežnaj pahrozy z terytoryi Biełarusi buduć naniesienyja ŭdary ŭ adkaz, a pry nieabchodnaści — i previentyŭnyja.
U novym vypusku YouTube-kanała Pressing ukrainski žurnalist Siarhiej Piejčaŭ pacikaviŭsia ŭ zasnavalnika i hałoŭnaha kanstruktara najbujniejšaj ukrainskaj vajennaj kampanii Fire Point Dzianisa Štylermana, jak toj aceńvaje stan biełaruskaj sistemy supraćpavietranaj abarony.
«Ja dumaju, što biełarusy nie idyjoty, kab užo pieršyja hadziny vajny zastacca ni z čym. Usia ich krytyčnaja infrastruktura — usio, na čym hety Łukašenka žyvie i nabivaje sabie kišeni, — budzie źniščanaja ŭ pieršyja sutki. I jon ničoha zrabić nie zmoža», — adkazaŭ Šcilerman.
Nahadajem, što mienavita Fire Point źjaŭlajecca vytvorcam dalnabojnaj kryłataj rakiety «Fłaminha», a niekalki tydniaŭ nazad kampanija paviedamiła ab paśpiachovych lotnych vyprabavańniach novaj zienitnaj rakiety FP-7.x, jakaja źjaŭlajecca klučavym elemientam novaj jeŭrapiejska-ŭkrainskaj sistemy supraćpavietranaj abarony pad nazvaj «Freja» (Freyja). Pavodle Šcilermana, užo ŭ žniŭni pradpryjemstva zmoža vypuskać pa try rakiety ŭ dzień.
-
Rasija naniesła rakietny ŭdar pa Dniapry. Zahinuli 5 čałaviek, kala 30 atrymali ranieńni
-
Pavietranyja siły ZSU pra retranślatary ŭ Biełarusi: Ciapier rasijanam značna ciažej nanosić dakładnyja ŭdary
-
«Idzieš — i ŭsiudy dvuchsotyja». Michaił z Łahojska, jaki vajavaŭ za Rasiju, u šoku, jak ukraincy viaduć kožny krok rasijskich sałdat
Ciapier čytajuć
Upieršyniu za čas nazirańniaŭ tempieratura pavietra ŭ Biełarusi pierakročyła +40°C3
Kamientary
Kali tak staniecca, heta vielmi trahičny dla Biełarusi i jaje patencyjału scenar, ale łohika jasnaja, čamu heta moža adbycca.