KDK pakazaŭ, jak razabraŭsia ŭ Kruhlanskim rajonie z raźbitaj darohaj. Heta treba bačyć FOTY
Apublikavanyja kantralorami fotazdymki ŭ farmacie «było» i «stała» prymusiać vas rahatać.
Kamitet dziaržaŭnaha kantrolu spravazdačyŭsia, jak prymusiŭ ułady Kruhlanskaha rajona vyrašyć prablemu z adzinym padjezdam da mohiłak kala vioski Varhućcieva.
Na žachlivy stan darohi kantraloram paskardziŭsia žychar rajona. Śpiecyjalisty KDK vyjechali na miesca i paćvierdzili prablemu.
«Śpiecyjalisty KDK Mahiloŭskaj vobłaści vyjechali na miesca i ŭstanavili, što ŭsie fakty paćvierdzilisia. Pieryjadyčnaja padsypka prablemnaha ŭčastka prajezdu situacyju nie ratuje», — reziumavali ŭ KDK.
Dla abychodu prablemnaha ŭčastka była zroblena novaja abjaznaja daroha, piša viedamstva.
I publikuje foty ŭ farmacie «było» i «stała».
Na zdymkach «da pryjezdu KDK» — całkam razmytaja hruntoŭka z hłybokimi kalainami ad vielikahruznaj techniki i vialikimi łužynami, praź jakija niemahčyma prajechać.
Na śviežych kadrach «paśla pryjezdu KDK» zusim inšaja situacyja. Niama ni łužyn, ni hrazi, možna dobra prajechać.
Śmiech u tym, što heta taja ž daroha. Prosta jana letam vysachła.
Kamientary