Ź minułych 300 tysiač mabilizavanych viadomyja imiony jak minimum 19 158 čałaviek, što zahinuli. Źnikłych bieź viestak i paranienych — našmat bolš.
Apošnim časam u rasijskich sacyjalnych sietkach raspaŭsiudžvajecca infarmacyja, što Kreml moža pravieści novuju mabilizacyju ŭvosień. Najčaściej nazyvajecca ličba 1,2 miljona čałaviek. Takuju ličbu nazyvaje, u pryvatnaści, Z-błohier Ramanaŭ. Jon źviartaje uvahu, u tym liku, na vučeńni dla čynoŭnikaŭ u rehijonach, źviazanyja z arhanizacyjaj masavaj mabilizacyi.
«Vajna pierachodzić u vajnu dronaŭ. Vyciahvać miljon čałaviek z ekanomiki — vielmi sumnieŭnaja i krajnie niepapularnaja ideja», — asudžaje takuju pierśpiektyvu adzin z rasijskich kamientataraŭ.
Jak piša vydańnie Kyiv Independent, analityki ličać, što Rasija moža pajści na novuju adkrytuju mabilizacyju tolki ŭ vypadku niepasrednaj pahrozy abvału frontu abo pry rezkim pierachodzie da vajennaj ekanomiki. Heta taksama moža śviedčyć pra padrychtoŭku da pašyreńnia vajny za miežy Ukrainy.
Pieršaja chvala «častkovaj mabilizacyi» ŭ vieraśni 2022 hoda vyklikała paniku i spravakavała ŭcioki socień tysiač rasijan za miažu. Ciapier, kali rasijskaja ekanomika ŭžo dobra padarvanaja vajnoj, a hramadstva stomlenaje vializnaj ličbaj achviar i prablemami, vyklikanymi bajavymi dziejańniami, druhaja chvala moža akazacca dla ŭładaŭ značna bolš ryzykoŭnaj.
«Kali Rasija sapraŭdy raspačnie vajennuju mabilizacyju, heta budzie prykmietaj taho, što režym znachodzicca pad vielizarnym ciskam i ŭ palityčnaj pastcy», — kaža analityk Centra stratehičnych i mižnarodnych daśledavańniaŭ Maks Bierhman.
Pavodle jaho, mabilizacyja — heta «vielizarnaja avantura dla Pucina, staŭka, jakaja moža pastavić pad pahrozu jaho samoha i jaho režym».
Pieršaja i pakul adzinaja mabilizacyja ŭ Rasii była abvieščanaja 21 vieraśnia 2022 hoda, paśla razhromu rasijskich vojskaŭ pad Iziumam. Jana praciahvałasia da kanca kastryčnika. Aficyjna ŭłady tady paviedamili pra mabilizacyju 300 tysiač čałaviek. Pavodle niezaležnych padlikaŭ, ich mahło być bolš za 527 tysiač.
Pavodle apošnich acenak analitykaŭ VVS i «Miedyjazony», jak minimum 19 158 tysiačy mabilizavanych zahinuli — heta tyja, čyje imiony viadomyja. Pry hetym kožny piaty z hetych viadomych nie pražyŭ i dvuch miesiacaŭ paśla mabilizacyi.
Ahulnuju kolkaść zahinułych rasijskich vajskoŭcaŭ z pačatku poŭnamaštabnaj vajny i da kanca 2025 hoda analityki aceńvali u 352 tysiačy čałaviek. Na siońnia jana ŭžo nabližajecca da 400 tysiač. Kala paŭtara miljona rasijan byli paranienyja. Takich strat nie niesła nivodnaja vialikaja dziaržava paśla Druhoj suśvietnaj vajny. Ciapier, kali realnyja ličby strat pastupova stali viadomyja hramadstvu, stała źnižacca ličba rasijan, hatovych vajavać pa kantrakcie.
Historyi biełarusaŭ, jakija byli zavierbavanyja na vajnu, vy možacie pračytać pa spasyłkach nižej.
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ
26‑hadovy Maksim z Baranavič — novaja achviara vajny
Babrujski ŭchilant biehaŭ ad vojska, pakul nie złavili. Paśla dembiela pajechaŭ vajavać za Pucina — u adzin kaniec
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna
Kamientary