Śledčy kamitet abvierh čutki, što kala BNTU zahinuŭ student, jaki vypaŭ z akna
30 červienia kala adnaho z karpusoŭ Biełaruskaha nacyjanalnaha techničnaha ŭniviersiteta na vulicy Chmialnickaha akazvali miedycynskuju dapamohu čałavieku, jaki paśla pamior. Paviedamlałasia, što heta nibyta student skončyŭ žyćcio samahubstvam. Adnak Śledčy kamitet nazvaŭ hetuju infarmacyju niedakładnaj.
Pavodle papiarednich źviestak śledstva, dniom 30 červienia kala doma № 9 na vulicy Bahdana Chmialnickaha stała kiepska 60‑hadovamu mužčynu. Jon paprasiŭ vypadkovuju prachožuju vyklikać chutkuju dapamohu, paviedamiŭšy, što maje zachvorvańnie lohkich.
Praź niekatory čas u mužčyny pačała kroŭ iści z rota, paśla čaho jon straciŭ prytomnaść. Miedyki, jakija prybyli na miesca, praviali reanimacyjnyja mierapryjemstvy, adnak vyratavać jaho nie ŭdałosia — była kanstatavanaja śmierć.
Videazapisy, na jakich vidać kroŭ na asfalcie i praca bryhady chutkaj dapamohi, karystalniki internetu pamyłkova padpisvali jak dokazy samahubstva studenta BNTU. Śledčyja zajaŭlajuć, što heta nie adpaviadaje rečaisnaści.
Pa fakcie śmierci mužčyny Saviecki rajonny adździeł Śledčaha kamiteta Minska pravodzić pravierku. Taksama pryznačana sudova-miedycynskaja ekśpiertyza, jakaja pavinna vyznačyć dakładnuju pryčynu śmierci.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary