U Biełarusi płanujecca ŭviadzieńnie novaha typu ciahnikoŭ. Havorka idzie pra tak zvanyja paskoranyja rehijanalnyja linii ekanomkłasa. Jany buduć pracavać na maršrutach pamiž Minskam, abłasnymi centrami i rajonnymi haradami, a taksama inšymi nasielenymi punktami, piša Tochka.by.
Uviadzieńnie novaha typu ciahnikoŭ praduhledžana źmienami ŭ zakon ab čyhunačnym transparcie, pryniatym Savietam Respubliki.
Asnoŭnaja ideja novaha farmatu — skaracić čas u darozie za košt mienšaha liku prypynkaŭ. Pa sutnaści, heta buduć ciahniki, jakija buduć ruchacca chutčej pa ŭžo najaŭnych rehijanalnych maršrutach za košt spynieńnia nie na ŭsich prypynkach pa darozie.
Ciapier na rehijanalnych linijach u Biełarusi kursujuć ciahniki ekanom– i biznes-kłasa, ale jany nie padzielenyja na dadatkovyja padkatehoryi. Novy vid pavinien dapoŭnić najaŭnuju sistemu pieravozak, ale kankretnyja madeli ruchomaha sastavu pakul nie nazyvajucca.
Akramia hetaha, u prajekcie novaha zakona ab čyhunačnym transparcie praduhledžanyja i inšyja źmieny ŭ čyhunačnaj śfiery. Abnaŭlajucca praviły miedycynskich ahladaŭ rabotnikaŭ čyhunki, a taksama ŭvodziacca dadatkovyja patrabavańni da kantrolu biaśpieki na čyhunačnych puciach.
Udakładniajecca paradak rasśledavańnia parušeńniaŭ biaśpieki ruchu i infarmavańnia adpaviednych orhanaŭ, a taksama miechanizmy atrymańnia dazvołaŭ na kiravańnie čyhunačnym transpartam dla rabotnikaŭ.
Taksama častka funkcyj vajenizavanaj achovy Biełaruskaj čyhunki budzie pieradadziena Departamientu achovy MUS, a Ministerstva transpartu atrymaje dadatkovyja paŭnamoctvy pa kłasifikacyi parušeńniaŭ i vydačy dazvołaŭ dla supracoŭnikaŭ haliny.
Pamiž Biełaruśsiu i Rasijaj puściać jašče niekalki pryharadnych ciahnikoŭ
«Moža, pryviedziacie ciahniki ŭ paradak?» Biełarusy skardziacca na pałomki «Štadleraŭ» paśla ich viartańnia na maršruty
Prajekt chutkasnaj čyhunačnaj mahistrali Maskva — Minsk padymajecca ŭ pryjarytetach
Całkam adnavili ruch «Štadleraŭ» pamiž Minskam i Rudzienskam
U centry kiravańnia pieravozkami Biełaruskaj čyhunki ceły pavierch adviali vajskoŭcam
Ciapier čytajuć
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary