Baksior Dźmitryj Asanaŭ z Maładziečna ŭpieršyniu ŭ karjery pravioŭ 10-raŭndavy boj i zavajavaŭ čempijonski tytuł
28-hadovy biełaruski baksior-prafiesijanał zavajavaŭ čempijonski pojas WBC Continental Americas u lohkaj vazie. Jon akazaŭsia macniejšym za 31-hadovaha bielhijca Frančeska Patera, paviedamlaje betnews.by.
Pajadynak pamiž imi adbyŭsia ŭ Manreali ŭ Kanadzie i byŭ hałoŭnaj padziejaj viečara.
Dla Asanava heta byŭ 10-y boj siarod prafiesijanałaŭ, pryčym va ŭsich 9 papiarednich jon byŭ pieramožcam. Patera ŭ 36-y raz vyjšaŭ na rynh (statystyka pieramoh i parazaŭ składała 30—5).
Sustreča prajšła ŭ 10-raŭndavym farmacie. Dla sapiernika heta było nie ŭ navinku, tady jak Asanaŭ upieršyniu byŭ udzielnikam nastolki praciahłaj sutyčki. Tym nie mienš, sudździ adnahałosna addali pieravahu biełarusu — 100:90, 100:90, 98:92.
Kamientary