Ni bulby, ni kapusty. U mnohich kramach źnikła harodnina, na bazarach ceny zaškalvajuć

— Zajšoŭ u «Chit» la doma: pusty łatok i ceńnik nad im: «Kapusta, 1,3 rubla». Ceńnik jość, kapusty niama. Zajšoŭ u «Susiedzi» i «Hrošyk» — i tam ni kapusty, ni bulby, — raskazaŭ «Našaj Nivie» naš čytač ź Minska. — Paprasiŭ žonku zajechać u hipiermarkiet — dyk jana tolki ŭ treciaj vialikaj kramie narešcie znajšła kapustu! Kaštavała taja kala 4 rubloŭ za kiłahram.

— Ščyra kažučy, ja była ŭ šoku, — raskazvaje inšaja minčanka. — U mahazinie było dva varyjanty: karyčnievaja bulba i krychu čyrvonaja. Roźnica vyklučna ŭ canie — 2 kapiejki. Usia drobnaja i zmorščanaja, jak smuški. Ja navat 10 bulbin bolš-mienš prystojnych nie zmahła adšukać. Dumała, niedzie pobač pavinna stajać pryhožaja bulba, niachaj i daražejšaja. Dyk nie! Pradavačka skazała, usio, što jość — u zale. Smak akazaŭsia žudasny — byccam nie piure, a vatu jasi. 

U Kalinkavičach, pišuć u sacsietkach, amal u luboj kramie možna lohka nabyć ekzatyčnuju sadavinu kštałtu hrejpfruta ci bananaŭ, ale bulbu i kapustu składana znajści navat u supiermarkietach.

U Hrodnie skardziacca, što ŭ «Hrošyku» bulba takaja drobnaja, što navat kazać niama pra što. Na bazary ž jość prystojnaja pa 3 rubli.

Na sajcie papularnaha servisu dastaŭki ježy «Je-dastaŭka» ŭ najaŭnaści jość tolki chutkazamarožanyja bulbianyja kubiki dy ciortaja bulba dla dranikaŭ. Śviežaj biełakačannaj kapusty niama.

Pavialičyć

Na sajcie dastaŭki hipiermarkieta «Hryn» jość bulba pa 1,08 i 3,99 rubla (bolš darahi varyjant — mytaja bulba). A voś zvyčajnaj kapusty niama.

Na Kamaroŭcy, adznačajuć minčuki, kapusta jość, ale varyjantaŭ niašmat. Pradajecca kapusta z Uźbiekistana pa canie ad 6,5 da 7 rubloŭ i ź Irana pa 7 rubloŭ za kiłahram. Biełaruskaja bulba tut kaštuje pryblizna ad 3,4 da 4,5 rubla, ale vielmi drobnuju možna znajści i pa 3 rubli za kiłahram.

U rehijonach situacyja nie vielmi adroźnivajecca.

A što ž u krainach-susiedkach, dzie, kali vieryć raskazam biełaruskich prapahandystaŭ, u kramach pustyja palicy? Naprykład, u Litvie na dastaŭcy Barbora šmat bulby roznych sartoŭ, litoŭskaj. Kaštuje jana ad 0,28 jeŭra (prykładna ad rubla) za kiłahram. 

Pavialičyć

Maładaja kapusta kaštuje 1,39 jeŭra za kiłahram (kala 4,9 rubla).

Pavialičyć

Na sajcie polskaha «Ašana» taksama bulby šmat. Ceny ad 2,58 da 7,26 złotaha (ad 2,1 da 6 rubloŭ) za kiłahram. Kapusta kaštuje 3,99 złotaha (pryblizna 3,3 rubla) za kiłahram.

Varta adznačyć, što siaredni zarobak u Litvie i Polščy prykładna ŭ 2,5 razu vyšejšy, čym u Biełarusi.

Pavialičyć

• 1
• 0
• 18
• 7
• 5
• 1
• 3
• 0