18 krasavika pamior kampazitar i śpiavak, hanarovy hramadzianin horada Baranavičy Fiodar Žylak, paviedamiła hazieta «Naš kraj». Jamu było 67 hadoŭ.
Fiodar Žylak naradziŭsia 25 maja 1957 hoda ŭ horadzie Kartały Čalabinskaj vobłaści, dzie tady pracavali jaho baćki-čyhunačniki. Ale jašče ŭ malenstvie jon razam ź siamjoj pryjechaŭ u Baranavičy, i mienavita hety horad dla jaho staŭ sapraŭdnaj radzimaj. Baranavičam pryśviečana niamała piesień kampazitara, u tym liku Žylak aŭtar muzyki dla himna horada.
Akramia stvareńnia muzyki, jon byŭ i śpievakom, a ŭ maładości navat saliravaŭ u viadomym ansambli «Siabry». Ale paśla viarnuŭsia ŭ Baranavičy, staŭ pracavać u haradskim Domie kultury i ŭ 1982 hodzie stvaryŭ tam muzyčny hurt «Javar». Na praciahu 27 hadoŭ Fiodar Žylak byŭ jaho niaźmiennym kiraŭnikom, razam ź im hurt atrymaŭ šmatlikija ŭznaharody na konkursach i fiestyvalach roznaha ŭzroŭniu.
U 2009 hodzie infarmacyja pra kampazitara Fiodara Žylaka i hurt «Javar» uvajšła ŭ encykłapiedyju sučasnaj biełaruskaj muzyki.
Taksama Fiodar Žylak plonna supracoŭničaŭ z narodnym teatram «Ekśpierymient», napisaŭ muzyku dla bolš čym dvuch dziasiatkaŭ śpiektaklaŭ i pastanovak. Jahonyja tvory hučali na samych prestyžnych kancertnych placoŭkach krainy, a pieśni ŭvajšli ŭ repiertuar viadomych biełaruskich vykanaŭcaŭ.
Siarod talenavitych vučniaŭ Fiodara Žylaka — viadomaja śpiavačka Hiunieš.
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk1
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1616
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu16
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary