U Vałhahradzie pierad pryjezdam Łukašenki i Pucina śmietnik zaviesili banieram «Hanarymsia»
Napiaredadni vizitu Uładzimira Pucina i Alaksandra Łukašenki Vałhahrad aktyŭna «navodzić hlaniec». Ale miascovyja žychary takim paradkam aburanyja. U sacsietkach źjaviłasia videa, jak vakoł zvałki budaŭničaha śmiećcia mantujuć vielizarny banier z patryjatyčnym łozunham.
U telehram-kanale «Ab Vałhahradzie Stalinhradzie» źjaviŭsia rolik pra toje, jak mantujuć banier z nadpisam «Hanarymsia». Zamiest taho, kab prybirać śmiećcie, ułady zahadali prosta zaviesić usio tkaninaj z łozunham.
«Voś tak administracyja horada, zamiest taho, kab pryvodzić u paradak fasady budynkaŭ pa vulicy Rakasoŭskaha, praśpiekcie Žukava <…> zamiest taho, kab vyvozić zvałki, budaŭničaje śmiećcie, jakoje siudy vyvoziać nieŭstanoŭlenyja asoby, i zajmacca paradkam u horadzie, my navodzim butaforyju, zaviešvajem usio šyrmaj», — havoryć hołas za kadram.
Kamientary