Samuju darahuju kvateru ŭ Minsku sprabujuć zdać za 10 tysiač dalaraŭ štomiesiac
«Tut vy pa-sapraŭdnamu adčujecie, što takoje kamfortnaje žyćcio», — abiacajuć u abjavie.
Znachodzicca samaja darahaja arendnaja kvatera biełaruskaj stalicy ŭ domie biznes-kłasu «Vietraź» — jon pabudavany na vulicy Kalvaryjskaj pamiž stancyjami mietro «Maładziožnaja» i «Frunzienskaja». U abjavie na sajcie nieruchomaści šmatpaviarchovik nazyvajuć najlepšym domam krainy: abiacajuć kruhłasutačnuju achovu, a taksama 40 čałaviek piersanału, jakija jaho absłuhoŭvajuć.
Sama čatyrochpakajovaja kvatera znachodzicca na 28-m paviersie (usiaho ich u budynku 32). Jaje płošča — amal 200 kvadrataŭ.
Navat pa fotazdymkach bačna, što zrobleny darahi ramont, adnak jon na amatara. Bo jarkija kolery mohuć šakavać tych, chto cenić ścipły skandynaŭski dyzajn.
Tut usio inakš — bačna, što haspadary naŭmysna imknulisia paźbiahać niejtralnaści. Kvatera aformlena ŭ vyraznaj nieaeklektycy z elemientami ar-deka i teatralnaj kłasiki.
Haścioŭnia ź vinnymi ścienami i čorna-biełaj pałasataj meblaj nahadvaje ekscentryčnyja sałony Łondana. Tut adčuvajecca ŭpłyŭ brytanskaha stylu eccentric chic z elemientami postmadernizmu.
Ścieny afarbavany ŭ hłyboki vinna-čyrvony koler. Vysokija stoli z vyraznaj lapninaj, u spałučeńni ź lustrami ŭ styli ar-deka, stvarajuć adčuvańnie sałona dla pryjomu śvieckich haściej.
Niemahčyma nie źviarnuć uvahu na stylizavanuju telefonnuju budku, a taksama pałasatuju kanapu ź jarkimi paduškami z vyjavami sabak.
Spalnia haspadaroŭ aformlena ŭ hłybokich sinich adcieńniach. Tut jość kłasičnyja mołdynhi i masiŭnaja lapnina na stoli. Ź vializnaha akna adkryvajecca vydatny vid na Minsk. Nasuprać haspadarskaha łožka staić kłasičnaje kresła. Praduhledžany i tualetny stolik.
Bolš strymana vyhladajuć dziciačyja pakoi — u kvatery ich dva. U adnym ź ich — karaleŭski łožak dla niemaŭlatki, maleńkaja kanapa i dziciačy stolik ź minijaciurnymi kresłami.
Druhi dziciačy pakoj naležaŭ starejšaj dziaŭčyncy. U im staić vialiki łožak, kamod, piśmovy stoł, palica z knihami, a taksama pałac dla lalek.
Ad jarkich koleraŭ vočy adpačyvajuć u hetaj kvatery ŭ vannym pakoi i na kuchni, dzie dla dekoru była abrana bežava-šeraja kalarovaja hama.
Zdać takuju raskošnuju kvateru hatovyja za 10 tysiač dalaraŭ u miesiac — ci 30 553 rubli. Arandataru treba budzie adrazu ŭnieści apłatu za 2 miesiacy.
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary