Siłaviki pryjšli da baćkoŭ błohiera Andreja Pavuka, padstavaj dla vizitu staŭ jaho ŭdzieł u prajdzie ŭ Vilni z čyrvona-zialonym ściaham.
Videa apublikavaŭ u svaim telehram-kanale supracoŭnik STB Ryhor Azaronak, zaŭvažyła «Miedyjazona».
Andrej Pavuk pryjšoŭ na šeście ŭ ramkach fiestyvalu Baltic Pride 7 červienia. Jon byŭ apranuty ŭ formu biełaruskaj milicyi, u rukach u jaho byŭ dziaržaŭny čyrvona-zialony ściah.
Z-za hetaha suprać błohiera raspačali čarhovy kryminalny pieraśled, na hety raz pa artykule pra abrazu dziaržaŭnych simvałaŭ (artykuł 370 KK). Paśla hetaha siłaviki pryjšli da baćkoŭ błohiera. Na videa z zabluranymi tvarami jany kažuć, što ich syn «pryniaŭ udzieł u hiei-paradzie ź biełaruskim ściaham».
«Pieršaje, što nam skažuć: syn za baćku nie adkazvaje, maci za syna taksama nie niasie adkaznaści… Niasie, niasie», — piša Azaronak.
Ryhor Azaronak u videa taksama pahražaŭ adkaznaściu tym, chto trapić u kadr padčas zdymki abo strymu Pavuka. Pavodle słovaŭ prapahandysta, jany buduć razhladacca jak «suŭdzielnik złačynstva».
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary